నాగ్-అఖిల్.. తర్వాతి చిత్రాలు కన్ఫర్మ్

Posted: 12/27/2017 06:13 PM IST

అక్కినేని హీరోలు నాగార్జున, అఖిల్ లు తమ తదుపరి చిత్రాలను ఫిక్స్ చేసేసుకున్నారు. ముఖ్యంగా 'హలో' సినిమా యూత్ ను ఆకట్టుకుంటోంది. అయితే అక్కినేని అభిమానులకు మాత్రం అది అంతగా ఆనలేదు. దీంతో మూడవ సినిమా అయినా బ్లాక్ బస్టర్ హిట్ కొట్టాలని కోరుకుంటున్నారు. ఈ నేపథ్యంలో తన 3వ సినిమాకి సంబంధించిన వివరాలను జనవరి 10న వెల్లడిస్తానని అఖిల్ చెప్పాడు.

జాబితాలో కొరటాల .. బోయపాటి .. సుకుమార్ ఉండగా, తాజాగా 'మెర్సల్' దర్శకుడు అట్లీ కుమార్ పేరు తెరపైకి వచ్చింది. అట్లీకుమార్ ఇటీవల చేసిన 'మెర్సెల్' వసూళ్ల పరంగా ఎంతగా దుమ్ము రేపేసిందో తెలిసిందే. 'హలో' సినిమాతో యూత్ కి చేరువైన అఖిల్ ను .. తదుపరి సినిమాతో మాస్ ఆడియన్స్ కి దగ్గర చేయాలనే ఉద్దేశంతో నాగ్ వున్నాడట. అందువలన ఆయన అట్లీ కుమార్ పై దృష్టి పెట్టినట్టుగా వార్తలు వస్తున్నాయి.

ఇప్పటికే అట్లీ కుమార్ ..ప్రభాస్ ను రంగంలోకి దింపనున్నట్టుగా ప్రచారం జరుగుతోంది. ఈ క్రమంలో ఆయన అఖిల్ మూడవ సినిమా చేసే ఛాన్స్ ఉందంటూ వార్తలు వస్తుండటం విశేషం.

నాగ్ సోగ్గాడిగానే...

'సోగ్గాడే చిన్ని నాయనా' సినిమాతో నాగార్జున కెరియర్లోనే భారీ విజయాన్ని కల్యాణ్ కృష్ణ ఇచ్చాడు. దాంతో ఆయనపై గల నమ్మకంతో 'రారండోయ్ వేడుక చూద్దాం' సినిమాను కల్యాణ్ కృష్ణకే ఇచ్చాడు. ఆ సినిమాను కూడా హిట్ చేసి ఆయన తన సత్తా చాటుకున్నాడు. ముందుగా అనుకున్న ప్రకారం మూడవ సినిమాను కూడా అన్నపూర్ణ బ్యానర్లోనే కల్యాణ్ కృష్ణ చేయవలసి వుంది. కానీ తన మూడవ సినిమాను ఆయన రవితేజతో ప్రకటించడంతో, ఆయన ధోరణి పట్ల నాగార్జున ఫీలయ్యారని సమాచారం.

తనతో కమిట్ మెంట్ ఉండగా రవితేజతో సినిమాను కల్యాణ్ కృష్ణ ఎనౌన్స్ చేయడం నాగార్జునను కాస్త ఇబ్బంది పెట్టిందట. అది గ్రహించిన కల్యాణ్ కృష్ణ .. నాగార్జునను కలుసుకుని ఆయనను కూల్ చేశాడట. తన నాల్గొవ సినిమాను నాగ్ తో చేస్తానని చెప్పి అగ్రిమెంట్ చేసుకుని వచ్చాడని సమాచారం. బహుశా అది బంగార్రాజు అయి ఉంటుందని టాక్ వినిపిస్తోంది.