భోజ్ పురిలో బాహుబలి రీమేక్.. స్టిల్స్ విడుదల

Posted: 12/21/2017 07:16 PM IST

ఇండియన్ సిల్వర్ స్క్రీన్ పై అందరిని ఎంతగానో ఆకట్టుకున్న బాహుబలి సినిమా ఎంతటి ఘనవిజయాన్ని అందుకుందో ప్రత్యేకంగా చెప్పనక్కర్లేదు. ఆ సినిమా దెబ్బకు బాక్స్ ఆఫీస్ రికార్డులన్నీ బద్దలయ్యాయి. అంతే కాకుండా తెలుగు సినిమా చరిత్రలో మొదటిసారి ఒక టాలీవుడ్ సినిమా జాతీయ స్థాయిలో అరుదైన గుర్తింపును అందుకుంది. రాజమౌళి దర్శకత్వం వహించిన ఈ సినిమాలో ప్రభాస్ - అనుష్క ఇంకా రానా మెయిన్ లీడ్ లో కనిపించిన సంగతి తెలిసిందే.

బాహుబలి సినిమా గురించి దేశమంతటా అందరికి తెలిసిందే. అయితే ఎవరు ఊహించని విధంగా ఆ సినిమాను భోజ్ పురిలో తెరకెక్కిస్తున్నారు. దినేష్ లాల్ యాదవ్ హీరోగా బాహుబలి సినిమాను రీమేక్ చేయబోతున్నట్లు తెలుస్తోంది. రెండు భాగాలుగా చిత్రీకరించిన ఈ సినిమాకు మొత్తంగా 400 కోట్లవరకు ఖర్చయ్యింది. మరి వాళ్లు ఎలా చిత్రీకరిస్తారు అనేది ఇప్పుడు అందరిలో మెదులుతున్న ప్రశ్న. ఇక్బాల్ భక్ష్ దర్శకత్వం వహిస్తోన్న ఈ సినిమాలో భోజ్ పురి సెక్సీ క్వీన్ ఆమ్రపాలి దుబే హీరోయిన్ గా చేస్తోంది.

ఈ చిత్ర టీజర్ ను జనవరిలో విడుదల చేసేందుకు సిద్ధమవుతున్నారు. ప్రస్తుతం మహారాష్ట్రలో ఈ చిత్రం షూటింగ్ జరుపుకుంటోంది. మరి ఈ లో బడ్జెట్ బాహుబలి ప్రేక్షకులను ఏ మేర అలరిస్తుందో చూడాలి.