రాజకీయ ప్రవేశం గురించి సుదీప్ వివరణ

Posted: 12/13/2017 03:25 PM IST

కర్ణాటక రాజకీయాల్లో ఈ మధ్య స్టార్ల జోక్యం బాగా ఎక్కువైపోతోంది. ఉపేంద్ర సొంత పార్టీ పెట్టడం, శివరాజ్ కుమార్ కూడా రాజకీయాల్లోకి రాబోతున్నారన్న కథనాలు.. ఇలా అక్కడ సందడి నెలకొంది. ఈ క్రమంలో కన్నడ స్టార్ హీరో సుదీప్ కర్ణాటక ముఖ్యమంత్రి సిద్ధరామయ్యతో భేటీ అయ్యారు.

దీంతో ఆయన కూడా రాజకీయాల్లోకి వస్తున్నారన్న కథనాలు వెలువడ్డాయి. కానీ, ఆయన సిద్ధరామయ్యతో భేటీ కావటం వెనుక వేరే కారణం ఉందని తెలిసింది. దివగంత నటుడు విష్ణువర్థన్ స్మారక చిహ్నం విస్తరణ కోసమే సుదీప్ ముఖ్యమంత్రిని కలిశారంట.

ఈ విషయాన్ని బెంగళూర్ టైమ్స్ కు ఇచ్చిన ఇంటర్వ్యూలో తెలియజేశాడు. ఉత్తరహల్లిలోని అభిమన్యు స్టూడియోలో ఆయన సమాధి ఉన్న విషయం తెలిసిందే. డిసెంబర్ 30న ఆయన 8వ వర్థంతి సందర్భంగా ఈ పనులు చేపట్టాలని సీనియర్ నటి, విష్ణువర్థన్ భార్య భారతి విజ్ణప్తి మేరకే సుదీప్ ముఖ్యమంత్రితో భేటీ అయినట్లు చెప్పుకొచ్చారు. కాగా, తాను రాజకీయాల్లోకి రావటం, ఎవరికైనా మద్ధతు ఇవ్వటం గురించి మాత్రం సుదీప్ ఎలాంటి క్లారిటీ ఇవ్వలేదు.