దీపికకు నా సపోర్ట్ ఎప్పుడూ ఉంటుంది : కంగనా

Posted: 12/05/2017 02:21 PM IST

పద్మావతి చిత్ర వివాదం నానుతుండగానే.. ఆ చిత్ర యూనిట్ కు మద్ధతుగా సీనియర్ నటి షబానా అజ్మీ చేపట్టిన సంతకాల సేకరణ ఇప్పుడు చర్చనీయాంశంగా మారింది. మొత్తం ఇండస్ట్రీ దానిపై సంతకం చేస్తే.. నటి కంగనా రనౌత్ మాత్రం దాని పై సంతకం చేయలేదు. దీనిపై బాలీవుడ్ లో రకరకాల రూమర్లు వినిపించాయి.

గతంలో దీపికకు కంగనాకు మధ్య కొన్ని మనస్పర్థలు ఉన్నాయి. కంగనాకు అవార్డు వచ్చిన సమయంలో దీపిక చేసిన వ్యాఖ్యలు.. తర్వాత పీకూపై సెటైర్లు వేసిన కంగారు... ఇలా వీరి వ్యవహారం మీడియాలో కొన్నాళ్లపాటు సాగింది. అయితే ప్రధానికి పంపాల్సిన పిటిషన్ పై కంగనా సంతకం చేయకపోవటం ద్వారా దీపికపై ఈ రకంగా కసి తీర్చుకుందంటూ కథనాలు వెలువడ్డాయి. దీనిపై చివరకు కంగనా స్పందించింది. మణికర్ణిక చిత్ర షూటింగ్ లో ఉండగా.. సెట్స్ కు వచ్చిన అనుష్క శర్మ షబనా పిటిషన్ గురించి నా వద్ద స్పందించింది. దీపికకు నా సపోర్టు ఎప్పుడూ ఉంటుంది. కానీ, షబానా అజ్మీ ఎప్పుడూ లెఫ్ట్‌-రైట్‌ వింగ్‌ రాజకీయాల్లో జోక్యం చేసుకుంటారని.. అది నచ్చకే తాను సంతకం చేయలేదని తెలిపింది.

ఇదిలా ఉంటే ‘పద్మావతి’ సినిమాను నిలిపేయాలంటూ రాజ్ పుత్ కర్ణి సేన డిమాండ్ చేస్తున్న సంగతి తెలిసిందే. ఈ నేపథ్యంలో మధ్యప్రదేశ్, రాజస్థాన్, యూపీ, బిహార్ రాష్ట్రాల్లో ఈ సినిమాపై నిషేధం విధించిన విషయం తెలిసిందే. సెన్సార్ బోర్డుదే తుది నిర్ణయమని ఇది వరకే కోర్టులు సైతం వ్యాఖ్యానించాయి. ఈ నేపథ్యంలో ఏం జరగబోతుందోనని ఇండస్ట్రీ మొత్తం ఆసక్తిగా ఎదురు చూస్తోంది.