దీపికా పదుకునే నటించిన ‘పద్మావతి’ సినిమాను వివాదాలు చుట్టుముట్టిన విషయం తెలిసిందే. ఆ సినిమాను విడుదల చేస్తే విధ్వంసమే అంటూ రాజ్పుత్ కర్ణిసేన చేస్తోన్న వ్యాఖ్యలను సినీనటుడు ప్రకాశ్ రాజ్ తప్పుబట్టారు. కళాకారులపై దాడులకు పాల్పడతామని చేస్తోన్న హెచ్చరికలు ఆందోళనకరమని ట్వీట్ చేశారు.
అన్ని భాషల్లోనూ యథేచ్ఛగా వస్తోన్న అశ్లీల చిత్రాలను ఖండించని వారు చారిత్రాత్మక చిత్రంలో నటించిన, నటిస్తున్న కళాకారులపై దాడులకు పాల్పడతామంటూ హెచ్చరించడం ఎంత వరకు సరైందని ప్రకాశ్రాజ్ ప్రశ్నించారు. మరోవైపు మరాఠీ చిత్రం న్యూడ్, మళయాళ చిత్రం ఎస్ దుర్గ(సెక్సీ దుర్గ అని ముందు పెట్టారు) చిత్రాలను ఇఫ్ఫీ వేడుకల ప్రదర్శన నుంచి తొలగించటాన్ని ఆయన తీవ్రంగా ఖండించారు. సినిమాల పేర్లను ఆధారంగా చేసుకుని కేంద్ర మంత్రిత్వ శాఖ తీసుకున్న ఈ నిర్ణయం సరికాదని ఆయన వాదించారు.
ఇదిలా ఉంటే పద్మావతి విషయంలో కర్ణిసేన ఈ విషయంపై ఏ మాత్రం తగ్గడం లేదు. పెద్ద ఎత్తున ఆందోళనలు నిర్వహిస్తోంది. ఈ సినిమాలో నటించిన దీపికా పదుకునే ముక్కుకోయాలని ఒకసారి, ఆమెను చంపితే రూ.5 కోట్లు ఇస్తామని మరొకసారి కర్ణిసేన ప్రతినిధులు ప్రకటించిన విషయం తెలిసిందే.
Who’s calling the shots.....#justasking pic.twitter.com/SWjk17bs31
— Prakash Raj (@prakashraaj) November 16, 2017
ఏపీకి ఎందుకు అన్యాయం?
కేంద్రప్రభుత్వం చాలా తప్పులు చేస్తోందని ప్రముఖ నటుడు ప్రకాశ్ రాజ్ విమర్శించారు. ఓ టీవీ ఛానెల్ తో ఆయన మాట్లాడుతూ, దేశంలో ఆరోగ్యకరమైన విధానం నాశనమవుతోందని అన్నారు. విమర్శను ప్రభుత్వం భరించలేకపోతోందని మండిపడ్డారు. ఆంధ్రప్రదేశ్ విషయాన్ని తీసుకుంటే.. ఆ రాష్ట్రానికి అన్యాయం జరిగిందని ఎవరినడిగినా చెబుతారని ఆయన చెప్పారు. బీజేపీ కూడా అదే విషయాన్ని చెప్పిందని ఆయన అన్నారు.
సాక్షాత్తూ ప్రధాని ఎన్నికల ప్రచార సభలో మాట్లాడుతూ, ప్రత్యేకహోదా సహా అన్నీ ఇస్తామని అన్నారని గుర్తు చేశారు. అధికారంలోకి వచ్చిన తరువాత రాజధాని, మౌలిక సదుపాయాలు లేని రాష్ట్రానికి ప్రత్యేకహోదా ఇవ్వలేదని అన్నారు. దీనిని మోసం చేయడం కాకపోతే మరేమని అనాలని ఆయన ప్రశ్నించారు. అంతెందుకు, దేశంలో సరైన రాజధాని లేని రాష్ట్రం ఏదైనా ఉందా? అని ఆయన అడిగారు. ఏపీకి ఎందుకు న్యాయం జరగడం లేదని ఆయన ప్రశ్నించారు. సరైన మౌలిక వసతులు లేకుండా కొత్త రాజధానిని ఎలా నిర్మించాలనుకున్నారని ఆయన నిలదీశారు. దీనిని ఎవరో ఒకరు ప్రశ్నించాలి కదా? అన్న ఆయన... అలా ప్రశ్నిస్తే దేశద్రోహులు లేదా ఇంకోటి, అదీ కాకపోతే మరోటి అంటున్నారని, లేదా దాడులు చేస్తామంటున్నారని ఆయన మండిపడ్డారు.
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more