బాలయ్య మోషన్ పోస్టర్ తేదీ రిలీజ్

Posted: 10/28/2017 12:26 PM IST

అగ్ర హీరో బాలకృష్ణ 102వ సినిమాగా కేఎస్. రవికుమార్ దర్శకత్వంలో ఒక మాస్ యాక్షన్ ఎంటర్టైనర్ రూపొందుతోంది. రీసెంట్ గా ఈ సినిమాకి 'జై సింహ' అనే టైటిల్ ను ఫిక్స్ చేసినట్లు చెబుతున్నారు. సింహ'తో ముడిపడిన బాలకృష్ణ సినిమాలన్నీ కూడా భారీ విజయాలను అందుకున్నాయి. ప్రస్తుతం వైజాగ్ లో ఈ సినిమాకు సంబంధించిన యాక్షన్ సన్నివేశాల చిత్రీకరణ జరుగుతోంది. ఆ సెంటిమెంట్ తోనే ఈ సినిమాకి ఈ టైటిల్ ను ఖరారు చేసినట్టుగా తెలుస్తోంది.

బాలయ్య మూవీ లాంఛ్ ఫోటోలు

ఈ సినిమా నుంచి వచ్చేనెల 1వ తేదీన టైటిల్ లోగోతో పాటు మోషన్ పోస్టర్ ను రిలీజ్ చేయనున్నట్టు ప్రకటించారు. ఇప్పటికే బాలకృష్ణ అభిమానులు ఈ సినిమాలో ఆయన లుక్ ఎలా వుంటుందనే విషయంలో ఆసక్తిగా వున్నారు. మోషన్ పోస్టర్ రాకతో ఆ సస్పెన్స్ కి తెరపడనుంది.

బాలకృష్ణ సరసన నయనతార, నటాషా దోషి, హరిప్రియ కథానాయికలుగా నటిస్తోన్న ఈ సినిమాను, సంక్రాంతి కానుకగా జనవరి 12వ తేదీన విడుదల చేయనున్నారు. సో... ఈ సంక్రాంతికి టాలీవుడ్ లో మరో పోటీ తప్పదన్న మాట.