రాం చరణ్-బోయపాటి మూవీ.. డిసెంబర్ నుంచి?

Posted: 10/18/2017 02:36 PM IST

మెగా పవర్ స్టార్ రాం చరణ్ రంగస్థలం షూటింగ్ లో బిజీగా ఉన్నాడు. అయితే జెట్ స్పీడ్ తో షెడ్యూల్స్ పూర్తి చేస్తున్న సుకుమార్ టేకింగ్ మూలంగా సినిమా ఆలస్యం అవుతుందనే వార్తలు వినిపిస్తున్నాయి. ఈ క్రమంలో సినిమా కూడా సమ్మర్ కు పోస్ట్ పోన్ అయ్యే అవకాశాలు ఎక్కువగా ఉన్నట్లు చెబుతున్నారు.

ఇదిలా ఉంటే గత కొంత కాలంగా బోయపాటి .. చరణ్ కాంబినేషన్లో ఒక సినిమా తెరకెక్కనున్నట్టు ఓ వార్త షికారు చేస్తోంది. అయితే ఇందులో వాస్తవమెంతన్నది తెలియక అభిమానులు అయోమయానికి లోనవుతున్నారు. ఈ నేపథ్యంలో .. ఈ కాంబినేషన్ సెట్ అయిన విషయం నిజమేనని తెలుస్తోంది. నిజానికి బాలకృష్ణతో బోయపాటి ఓ చిత్రం చేయవలసి వుంది. కానీ బాలకృష్ణ ప్రస్తుతం కేఎస్ రవికుమార్ సినిమాతో బిజీ. ఆ తరువాత సినిమాను ఆయన పూరీతో చేయనున్నాడు.

చెర్రీ కూడా'రంగస్థలం' తరువాత సినిమాను కొరటాలతో చేయాలనుకున్నాడు. కానీ ఆయన 'భరత్ అను నేను' మూవీతో బిజీగా వున్నాడు. అది సమ్మర్ లో రిలీజ్ కానుంది. అందువల్ల ఈ ఐదు నెలలు ఖాళీగా ఉండటం కంటే.. గ్యాప్ లో సినిమాను పూర్తి చేయాలని ఈ ఇద్దరు భావిస్తున్నారు. డిసెంబర్లో ఈ సినిమాను లాంచ్ చేసి .. జనవరి నుంచి రెగ్యులర్ షూటింగ్ చేయనున్నారని తెలుస్తోంది. వచ్చే ఏడాది దసరాకి ఈ సినిమా రిలీజ్ ను ప్లాన్ చేసుకుంటున్నారని టాక్.