ఆరాధ్య అంజలి చెల్లి అవునా? కాదా?

Posted: 09/25/2017 01:39 PM IST

తమిళ్, తెలుగు చిత్రాలతో తనకంటూ గుర్తింపు పొందిన నటి అంజలి ఫ్యామిలీ వ్యవహారం మరోసారి హాట్ టాపిక్ గా మారింది. ఆరాద్య అనే యువతి తాను అంజలి సోదరినని త్వరలో సినిమాల్లోకి వస్తానని ఇటీవల ఓ ప్రకటన చేసింది. దీనికి అంజలి తన ట్విట్టర్‌ ద్వారా స్పందించింది. నాకున్న ఏకైక సిస్టర్ అంటూ ట్విట్టర్ లో ఓ ఫోటోను ఉంచింది.

 

So happy I got to hangout with my one and ONLY sister #adaywithmyakka #sislove#myblood #familytime pic.twitter.com/kOsktDmxrJ

— Anjali (@yoursanjali) September 24, 2017

అంజలికి ఉంది ఒకే ఒక్క సిస్టర్. ఆమె పెళ్లి చేసుకుని ప్రస్తుతం విదేశాల్లో సెటిల్ అయిపోయారు. ఈ నేపథ్యంలో ఆ యువతి ఎవరా? అన్న అనుమానాలు మొదలయ్యాయి. అయితే అంజలి ఒప్పుకున్నా.. ఒప్పుకోకపోయినా తన అక్కేనని ఆరాధ్య వాదిస్తోంది. అంజలి పిన్ని భారతి దేవి ఆమె కెరీర్ ఎదుగుదలకు తొలినాళ్లలో ఎంతో సాయం చేసింది. అయితే ఆ మధ్య చిన్న వివాదం కాస్త గాలివానగా మారటంతో ఇద్దరూ మీడియా ముందు ప్రకటనలు ఇచ్చుకున్నారు.

అప్పటి నుంచి వాళ్లకు అంజలి దూరంగా ఉంటూ వస్తోంది. ఇక ఇప్పుడు ఆ భారతి దేవి కూతురే సినిమాల్లోకి ఎంట్రీ ఇవ్వబోతుందన్న మాట. బైలింగువల్ మూవీగా తెరకక్కుతున్న చిత్రం ద్వారా తాను పరిచయం కాబోతున్నానని ఆరాధ్య చెబుతోంది.