అర్జున్ రెడ్డి కోలీవుడ్ వర్షన్ హీరో ఎవరంటే...

Posted: 09/19/2017 04:10 PM IST

ఈ ఏడాది యూత్ కి బాగా కనెక్ట్ అయిన సినిమాగా 'అర్జున్ రెడ్డి' నిలిచింది. ఈ సినిమా సాధించిన రికార్డులు ఇతర భాషలకి చెందిన దర్శక నిర్మాతలను ఆకర్షించాయి. ఈ కారణంగా ఈ సినిమాను తమ భాషల్లో రీమేక్ చేయడానికి వాళ్లంతా పోటీ పడుతున్నారు.

ఈ సినిమా బాలీవుడ్ రీమేక్ లో రణవీర్ సింగ్ .. కన్నడ రీమేక్ లో యశ్ చేస్తున్నట్టుగా వార్తలు వచ్చాయి. ఇక తమిళ రీమేక్ లో ఆర్య చేయనున్నట్టు సమాచారం. ధనుష్ తన సొంత బ్యానర్ ద్వారా ఈ సినిమా తమిళ రీమేక్ హక్కులను సొంతం చేసుకున్నాడు. తెలుగులో విజయ్ దేవరకొండ చేసిన పాత్రను .. లవ్ ఫెయిల్యూర్ పాత్రల్లో జీవించే తమిళంలో ఆర్య అయితే బాగా చేస్తాడని ధనుష్ భావించాడట. ధనుష్ సంప్రదించడం .. ఆర్య ఓకే చెప్పేయడం జరిగిపోయాయని తెలుస్తోంది.

ఆర్య తెలుగులో వరుడు చిత్రంతోపాటు వాడు-వీడు.. రాజా-రాణి, నేనే అంబానీ లాంటి చిత్రాలతో పాపులర్ అయ్యాడు. త్వరలోనే అధికారిక ప్రకటన చేసి .. సెట్స్ పైకి వెళతారనే టాక్ వినిపిస్తోంది.

అర్జున్ ‘రెడ్డి’ పై నటి ఫైర్