మిస్టర్ ఫర్ ఫెక్ట్ కాపీ వివాదంపై దర్శకుడు దశరథ్

Posted: 09/18/2017 06:41 PM IST

టాలీవుడ్ అగ్ర నిర్మాత దిల్ రాజు పై కాపీ కేసు నమోదైన విషయం తెలిసిందే. ఎప్పుడో ఆరేళ్ల కిందట విడుదలైన సినిమా మిస్టర్ ఫర్ ఫెక్ట్ గురించి ఇప్పుడు ఆరోపణలు వినిపించటం విశేషం. ప్రభాస్ కాజల్ జంటగా నటించిన ఈ చిత్రం దిల్ రాజు నిర్మాణ సంస్థలోనే రూపొందిన విషయం తెలిసిందే.

అయితే ఈ చిత్రం తాను రాసిన ‘నా మనసు కోరింది నిన్నే’ అనే నవలను కాపీ కొట్టి తీశారంటూ శ్యామలా రాణి అనే రచయిత్రి ఇటీవలే చిత్ర యూనిట్ మీద కేసు వేసింది. దీంతో ఒక్కసారిగా టాలీవుడ్ లో ఈ అంశం హాట్ టాపిక్ గా మారింది. ఈ కేసు విషయమై దిల్ రాజు ఏమీ స్పందించలేదు. ఐతే దర్శకుడు దశరథ్ మాత్రం ఆ రచయిత్రికి సమాధానమిచ్చారు. శ్యామలా రాణి నవల 2010 ఆగస్టులో తొలిసారి ప్రచురితమైందని ఆమె చెబుతున్నారు.

కానీ, అంతకు 18 నెలల కిందటే తాను రైటర్స్ అసోసియేషన్లో ‘నవ్వుతూ..’ పేరుతో ఓ కథను రిజిస్టర్ చేయించానని దశరథ్ చెప్పాడు. బిల్లా షూటింగు సమయంలోనే తాను, దిల్ రాజు ఆ కథను ప్రభాస్ కు వినపించామని దశరథ్ అంటున్నారు. ఆరు నెలల కిందటే రైటర్స్ అసోసియేషన్ అధ్యక్షుడు పరుచూరి గోపాలకృష్ణ.. శ్యామలా రాణికి ఈ అంశం వివరించే ప్రయత్నం చేసినా ఆమె వినిపించుకోలేదని దశరథ్ చెప్పాడు. ఇప్పటికైనా ఆమె వివాదానికి ముగింపు పలికితే మంచిదని దశరథ్ సూచించారు.