వివేగం టీజర్ సరికొత్త రికార్డు

Posted: 09/16/2017 03:35 PM IST

తమిళ స్టార్ హీరో అజిత్ కుమార్ వివేగమ్ (తెలుగులో వివేకం) చివరకు డిజాస్టర్ గానే మిగిలిపోయింది. తమిళంలో ఓ మోస్తరు కలెక్షన్లు వచ్చినప్పటికీ తెలుగులో మాత్రం దారుణ ఫలితాన్నే మిగిల్చింది. అయితే రెండు వారాల్లో 150 కోట్లు వసూళ్లు చేయటం ద్వారా అజిత్ కెరీర్ లో బెస్ట్ గ్రాసర్ లిస్ట్ లో వివేగం చేరిపోయింది.

భారీ రిలీజ్, ఫస్ట్ వీక్ మొత్తం ఆ థియేటర్లలో అలాగే కొనసాగించటం ద్వారా అజిత్ చిత్రానికి ఈ రికార్డు దక్కింది. ఇదిలా ఉంటే ఈ చిత్రం ఖాతాలో మరో రికార్డు వచ్చి చేరింది. యూట్యూబ్ లో అత్యధిక లైక్స్ దక్కించుకున్న చిత్రంగా వివేగం సరికొత్త రికార్డు క్రియేట్ చేసింది.

మొత్తం 5 లక్షల 80 వేల లైకులు ఈ చిత్రానికి దక్కాయి. హాలీవుడ్ లో వచ్చిన స్టార్ వార్స్ చిత్ర టీజర్ ను కూడా ఇది బీట్ చేయటం విశేషం. ఇక తమిళం విషయానికొస్తే వీకెండ్ లో బాహుబలి-2 రికార్డులను బ్రేక్ చేయగా, అంతర్జాతీయ చిత్రాల లిస్ట్ లో వివేగం కూడా చేరిపోయింది. పాతికేళ్ల అజిత్ కెరీర్ స్పెషల్ గా విడుదలైన వివేగంలో కాజల్, అక్షర హీరోయిన్లుగా నటించగా, దరువు ఫేమ్ శివ దర్శకత్వం వహించాడు.