ఇండియన్ స్క్రీన్ పై ఇట్ సెన్సేషన్

Posted: 09/12/2017 06:57 PM IST

హాలీవుడ్ చిత్రాలు ఇండియన్ స్క్రీన్ పై మ్యాజిక్ చేయటం కొత్తేం కాదు. జంగిల్ బుక్ సుమారు 150 కోట్లు వసూలు చేసి మన చిత్రాలకే పెద్ద సవాల్ విసిరింది. అయితే ఆ తర్వాత ఆ స్థాయి చిత్రాలేవీ ఇక్కడ రిలీజ్ కాలేదు. కానీ, ఇప్పుడు ఓ మోస్తరు చిత్రంతో ఓ హర్రర్ సినిమా వండర్స్ క్రియేట్ చేస్తోంది.

ప్ర‌ముఖ ఆంగ్ల ర‌చ‌యిత స్టీఫెన్ కింగ్ న‌వ‌ల ఆధారంగా తెర‌కెక్కిన `ఇట్‌` సినిమా భార‌త‌దేశ మార్కెట్‌లో కోట్ల రూపాయ‌లు వ‌సూలు చేస్తోంది. గ‌త శుక్ర‌వారం విడుద‌లైన ఈ సినిమా ఇప్ప‌టివ‌ర‌కు రూ. 11 కోట్ల‌కి పైగా వ‌సూలు చేసిన‌ట్లు తెలుస్తోంది.

దీనిపై వార్న‌ర్ బ్ర‌ద‌ర్స్ పిక్చ‌ర్స్ ఇండియా మేనేజింగ్ డైరెక్ట‌ర్ డెంజిల్ డ‌యాస్ ఆనందం వ్య‌క్తం చేశారు. దీనికి ఆండీ మూషెట్ ద‌ర్శ‌కత్వం వ‌హించారు. అమెరికాలో కూడా ఈ సినిమా రికార్డుల‌ను కొల్లగొడుతోంది. ఇప్ప‌టివ‌ర‌కు 117.2 మిలియ‌న్ డాల‌ర్ల‌ను వ‌సూలు చేసిన‌ట్లు స‌మాచారం. అమెరికా బాక్సాఫీస్ వ‌ద్ద ఎక్కువ మొత్తంలో ఓపెనింగ్ క‌లెక్ష‌న్లు సాధించిన మొద‌టి హార్ర‌ర్ చిత్రంగా `ఇట్‌` నిలిచింది.