మహానుభావుడు ఫస్ట్ సాంగ్ రిలీజ్ డేట్

Posted: 09/05/2017 04:17 PM IST

టాలీవుడ్ లో వరుస విజయాలతో ఊపు మీద ఉన్న శర్వానంద్ ప్రయోగాత్మక చిత్రాల వైపు మళ్లాడు. మారుతి దర్శకత్వంలో దసరాకి మహానుభావుడిగా రాబోతున్నాడు. యూవీ క్రియేషన్స్ వారు .. గీతా ఆర్ట్స్ 2 వారు సంయుక్తంగా నిర్మిస్తున్నారు.

శర్వానంద్ జోడీగా మెహ్రీన్ నటించిన ఈ సినిమా నుంచి టైటిల్ సాంగ్ ను రిలీజ్ చేయడానికి సన్నాహాలు జరుగుతున్నాయి. ఈ నెల 7వ తేదీ ఉదయం 8 గంటల 45 నిమిషాలకి ఈ సినిమా నుంచి టైటిల్ సాంగ్ ను రిలీజ్ చేయనున్నారు. కథానాయకుడు అతిశుభ్రతను పాటించే ఓసీడీ అనే మానసిక వ్యాధి కలిగినవాడిగా కనిపిస్తాడట.

అందుకు సంబంధించి ఇటీవల వదిలిన టీజర్ కి మంచి రెస్పాన్స్ వచ్చింది. దాంతో 'భలే భలే మగాడివోయ్' తరహాలో ఈ సినిమా కూడా హిట్ కొడుతుందనే ఆశతో ఈ సినిమా టీమ్ వుంది. ఈ చిత్రానికి థమన్ సంగీతాన్ని అందిస్తున్నాడు. దసరా బరిలో గట్టి పోటీ ఉండగా రంగంలోకి దిగుతోన్న ఈ సినిమా, ఎంతవరకూ తట్టుకుని నిలబడుతుందనేది ఆసక్తికరంగా మారింది.

Wow #MahanuBavudu Title Song on 7th Sept at 8:45am #SuperExcited @DirectorMaruthi @SKNonline @UV_Creations @MusicThaman #RadioCityHyderabad pic.twitter.com/kiQQfMSRQ2

— Radio City (@radiocityindia) September 5, 2017