ఓవర్సీస్ లో అర్జున్ రెడ్డి సంచలనం

Posted: 08/31/2017 06:34 PM IST

తెలుగు రాష్ట్రాల్లోనే కాదు.. ఓవర్సీస్ లోనూ అర్జున్ రెడ్డి హవా కొనసాగుతోంది. ఈ నెల 25వ తేదీన విడుదలైన చిత్రం కలెక్షన్ల పరంగా కొత్త రికార్డులు క్రియేట్ చేయటం ఖాయంగా కనిపిస్తోంది. ముఖ్యంగా యూఎస్ లో కొత్త రికార్డును క్రియేట్ చేసిందీ చిత్రం.

అమెరికాలో కేవలం 89 థియేటర్స్ లో మాత్రమే విడుదలైన ఈ సినిమా, కేవలం 5 రోజుల్లోనే 11 లక్షల ఒక వేయి 167 డాలర్లను వసూలు చేసింది. ఇంత తక్కువ థియేటర్స్ లో విడుదలై .. ఇంత తక్కువ సమయంలో ఒక మిలియన్ డాలర్లను వసూలు చేసి ఆశ్చర్యచకితులను చేసింది. ఇంతకు ముందు అక్కడ రిలీజైన ఏ తెలుగు సినిమా ఈ అరుదైన ఫీట్ ను సాధించలేకపోవడం విశేషం. లాంగ్ రన్ లో మరిన్ని వండర్స్ క్రియేట్ చేయటం ఖాయమనే చెప్పుకుంటున్నారు.

ఇదిలా ఉంటే సినిమా కాంట్రవర్సీలపై చిత్ర హీరో విజయ్ దేవరకొండ మళ్లీ స్పందించాడు. ఏ సినిమా అయినా బాగుంటే కాంట్రావర్సీస్ ఎంత చేసినా ఎవరూ పట్టించుకోరని ఓ ప్రశ్నకు సమాధానంగా ఆయన చెప్పారు. ప్రేమ యొక్క స్వచ్ఛమైన రూపం ‘కిస్’ అని, కాంట్రావర్సీ సినిమా తాము తీయలేదని, ఈ సినిమాపై కొందరు కాంట్రావర్సీ చేస్తున్నారని అన్నారు. ఈ సినిమాలో హిపోక్రసీ లేదని, ఇలాంటి ప్రేమకథలు చాలా ఉంటాయని, అందుకే, ప్రేక్షకులకు ఈ సినిమా నచ్చిందని, బాగా ఆదరిస్తున్నారని చెబుతున్నాడు.