డ్రగ్ కేసు.. కాజల్ మేనేజర్ అరెస్ట్!

Posted: 07/24/2017 04:44 PM IST

టాలీవుడ్ లో డ్రగ్స్ వ్యవహారం తవ్వే కొద్దీ షాకింగ్ విషయాలను వెలుగులోకి తెస్తోంది. సంచలనం రేపుతూ టాప్ హీరోయిన్ కాజల్ అగర్వాల్ మేనేజర్ రోనీని పోలీసులు అరెస్ట్ చేశారు. డ్రగ్స్ వాడుతున్నాడన్న ఆరోపణలతో రోజో రోని ని అదుపులోకి తీసుకున్నట్లు సమాచారం.

గత కొంత కాలంగా అతనిపై నిఘా వేసిన ఎక్సైజ్ పోలీసులు అతని ఇంట్లో కేవలం గంజాయిని స్వాధీనం చేసుకోవడం విశేషం. కాజల్ కు కొంత కాలంగా రోనీ మేనేజర్ గా వ్యవహరిస్తున్నాడు. చాలా రోజులుగా అతను డ్రగ్స్ వాడుతున్నడని పోలీసులు అనుమానిస్తున్నప్పటికీ, వైద్య పరీక్షల్లో అది తేలాల్సి ఉంది. 

 

రోనీ లావణ్య త్రిపాఠీ, రాశీ ఖన్నా ల వద్ద కూడా గతంలో మేనేజరుగా పని చేశాడట. మరి డ్రగ్స్ వ్యవహారంలో ఇతని హ్యాండ్ ఉందా? ఉంటే ఎవరికైనా సప్లై చేశాడు అన్న వ్యవహారాలు విచారణలో తెలియాల్సి ఉంది. ఈ విషయం పై స్పందించేందుకు కాజల్ అందుబాటులో లేదు.