కళాతపస్వికి పవన్ కళ్యాణ్ పలకరింపు

Posted: 04/26/2017 10:07 AM IST

టాలీవుడ్ దిగ్గజ దర్శకుడు కె.విశ్వనాథ్ కు 2016 సంవత్సరంకు గానూ దాదాసాహెబ్ పాల్కే పురస్కారాన్ని ప్రకటించింది కేంద్ర ప్రభుత్వం. దీనిపై దేశ వ్యాప్తంగా పలువురు సినీ సెలబ్రిటీలు ఆయన్ని ఆకాశానికి ఎత్తేస్తున్న విషయం తెలిసిందే. ఈ క్రమంలో మంగళవారం మెగాస్టార్ చిరంజీవి ఆయన ఇంటికి వెళ్లి ఆయనతో తనకు ఉన్న అబంధాన్ని నెమరువేసుకున్నాడు. (ఫోటోల కోసం క్లిక్ చేయండి) ఇక ఇప్పుడు మరో మెగా హీరో పవర్ స్టార్ పవన్ కళ్యాణ్ వెళ్లి అభినందనలు తెలియజేశాడు.

దాదాసాహెబ్ ఫాల్కే అవార్డు గెలుచుకున్న కళాతపస్విని అభినందించేందుకు పవన్, మిత్రుడు త్రివిక్రమ్ శ్రీనివాస్ తో కలిసి వెళ్లాడు. ఈ సందర్భంగా విశ్వనాథ్ కాళ్లకు నమస్కరించిన పవన్ కల్యాణ్... పుష్పగుచ్ఛం ఇచ్చి శుభాకాంక్షలు తెలియజేసిన అనంతరం, దుశ్శాలువతో ఆయనను సత్కరించారు. అనంతరం ఆయన ఆరోగ్య విశేషాలు అడిగి తెలుసుకుని, తెలుగు సినీ పరిశ్రమకు ఆయన చేసిన సేవలను గుర్తుచేసుకున్నారు.

తన సోదరుడు చిరంజీవికి ఆయన ఇచ్చిన సినిమాలు, వాటి ద్వారా దక్కిన గుర్తింపునకు కృతజ్ఞతతో ఆయన ధన్యవాదాలు తెలిపాడు. ఇంకోపక్క పలువురు సెలబ్రిటీలు ఆయన ఇంటికి క్యూ కడుతున్నారు కూడా.