ప్రియాంక బేవాచ్ పోస్టర్ కాపీనా?

Posted: 04/20/2017 01:48 PM IST

Priyanka hollywood poster inspired also from hollywood

కాదేదీ కవితకు అనర్హం అన్నట్లు సినిమాల కాపీకి కూడా ఏదీ అడ్డు రాదని నిరూపిస్తోంది. మన దగ్గర ఏ స్టార్ హీరోల సినిమాలకు సంబంధించి ఫస్ట్ లుక్ లు విడుదలయితే చాలూ నెట్ లో ఏరి మరీ అది కాపీయే అంటూ ఏ హాలీవుడ్డో, బాలీవుడ్డో పోస్టర్లను పక్కన పెట్టేస్తుంటారు. కానీ, హాలీవుడ్ కూడా అదే బాపతా అన్న డౌట్లు ఇప్పుడు కొత్తగా రిలీజ్ అయిన ఓ సినిమా పోస్టర్ నిరూపిస్తోంది. ఇంతకీ ఆ చిత్రం ఏంటో కాదు ప్రియాంక చోప్రా నటించిన హాలీవుడ్ మూవీ బేవాచ్.

డ్వేన్ జాన్సన్ (రెజ్లింగ్ స్టార్ రాక్) మెయిన్ హీరోగా హాలీవుడ్ లో రూపొందుతున్న బేవాచ్ లో ప్రియాంక నెగటివ్ రోల్ పోషిస్తున్న విషయం తెలిసిందే. ఈ సినిమా మే25న విడుదల కానుంది. ఇంతకాలం పిగ్గీ రోల్ ను ఎలివేట్ చేయలేదని ఫ్యాన్స్ తెగ ఫీలయిపోయారు. అయితే కొత్తగా ఇప్పుడు రిలీజ్ డేట్ పోస్టర్ ను వదలింది చిత్ర యూనిట్. ఇందులో ప్రియాంక కళ్ల జోడులో మిగతా పాత్రలు కనిపించటం ఉంది. ఇక పోస్టర్ థీయే ప్రియాంక పేరు తో రావటంతో ఫ్యాన్స్ హ్యాపీగా ఫీలయ్యారు.

అయితే ఇక్కడే అసలు వ్వవహారం మొదలైంది. ఇది జస్ట్ కాపీ పోస్టర్ అంటూ సోషల్ మీడియాలో సెటైర్లు పడటం ప్రారంభమైంది. 2000 సంవత్సరంలో కేట్ హడ్సన్ నటించిన 'ఆల్మోస్ట్ ఫేమస్' అనే సినిమా పోస్టర్ ఇలాగే ఉంది. అందులో కూడా కేట్ ఏవియేటర్ సన్ గ్లాస్సెస్ పై ఆ సినిమా పేరుండి దాని నీడ లో ఆ సినిమా కు సంబంధం ఉన్న కొన్ని సన్నివేశాలు ఉంటాయి. ఇక షారూఖ్ బాజీఘర్ పోస్టర్ కూడా ఇలా ఉండటం కూడా విశేషం. యాధృచ్ఛికంగా జరిగిన ఈ వ్యవహారం అటు తిరిగి ఇటు తిరిగి ఇప్పుడు హాట్ టాపిక్ గా మారిపోయింది.