హర్రర్ జోనర్ తో ఆది సినిమా

Posted: 04/18/2017 04:50 PM IST

పక్కింటి కుర్రాడి గా కనిపించి మొదట్లో వరుస హిట్లు కొడుతూ వచ్చాడు సీనియర్ నటుడు సాయి కుమార్ తనయుడు ఆది. అయితే చివరగా అప్పుడెప్పుడో లవ్లీ తో ఫర్వాలేదనిపించిన ఈ యంగ్ హీరోకి ఈ మధ్య చేసిన చిత్రాలు ఆ స్థాయి హిట్ కూడా అందుకోలేకపోయాడు. సేమ్ టైంలో కెరీర్ ప్రారంభించిన తోటి హీరోలు వరుస సక్సెస్ లతో దూసుకుపోతుంటే మూస టైపు సినిమాలతో కెరీర్ ను మసకబారేలా చేసుకుంటున్నాడన్న విమర్శలు వినిపించాయి.

దీంతో ప్రయోగాలకు సిద్ధమైపోతున్నాడు ఆది . బుల్లి తెర మెగాస్టార్ గా పాపులర్ అయిన యాంకర్ ప్రభాకర్ త్వరలో మెగా ఫోన్ పట్టనున్నాడు. ఆది హీరోగా ఓ హర్రర్ స్టోరీని తెరకెక్కించేందుకు సిద్ధమైపోతున్నాడు. హీరోయిన్ల కోసం అడిషన్స్ చేసిన చివరకు మరాఠీ భామ వైభవి శాండిల్య ను ఎంపిక చేశారు. క్లాసికల్ డాన్సర్ అయిన వైభవి ఇంతకు ముందు తమిళ్ కమెడియన్ సంతానంతో ఓ రెండు చిత్రాల్లో హీరోయిన్ గా నటించింది.

వీ4 మూవీస్ బ్యానర్ తోపాటు యూవీ క్రియేషన్స్, గీతా ఆర్ట్స్-2 మరియు గ్రీన్ స్డూడియో లాంటి ప్రతిష్టాత్మక బ్యానర్లు కలిసి ఈ చిత్రాన్ని నిర్మించటం విశేసం. హర్రర్ జోనర్ చిత్రాలకు ఇప్పుడు మంచి క్రేజ్ ఉండటంతో సినిమా ఖచ్ఛితంగా హిట్ అయి తీరుతుందని ఆది ఆశలు పెట్టుకున్నాడు. త్వరలో సినిమా రెగ్యులర్ షూటింగ్ ప్రారంభం కానుంది.