నాగబాబుకు సారీ చెప్పేసిన వర్మ

Posted: 04/14/2017 11:12 AM IST

ఖైదీ నంబర్ 150 రిలీజ్ సమయంలో చిరును టార్గెట్ చేస్తూ రాంగోపాల్ వర్మ చేసిన కామెంట్లు ఎంతటి దుమారం రేపాయో చూశాం. ప్రీ రిలీజ్ ఆడియో వేడుకలో నాగబాబు స్టేజీ మీద చెలరేగిపోయి అక్కుపక్షి అంటూ వర్మను ఓ రేంజ్ లో తిట్టిపడేశాడు. ఆపై శాతకర్ణిని పొగుడుతూనే మెగాస్టార్ పై సెటైర్లు వేసినా, స్వయంగా చిరు వారించటంతో నాగబాబు మళ్లీ వర్మ జోలికి పోలేదు.

అయితే మెగాస్టార్‌ చిరంజీవి కుటుంబంపై తాను చేసిన వ్యాఖ్యల తరువాత ఏర్పడిన ప్రతికూలతను తగ్గించుకోవాలనుకున్నాడో ఏమో వర్మ క్షమాపణలు చెప్పాడు. ఈ మేరకు తన ట్విట్టర్ ఖాతాలో ట్వీట్ పెడుతూ, 'చిరంజీవి లాంటి అన్నయ్య నాకుంటే నేను మాట్లాడిన మాటలకి కొట్టేవాడిని. నాగబాబు మాటలతోనే వదిలేశారు. రియల్లీ సారీ టూ హిమ్ (ఆయనకు నిజంగా క్షమాపణలు)' అని అన్నాడు.

chiranjeevigaari laanti annayya naakunte nenu matladina maatalaki kottevaadini .naga babu gaaru maataltho vadilesaru ..real sorry to him

— Ram Gopal Varma (@RGVzoomin) April 14, 2017

 

ఇక వరుణ్ తేజ్ కు ఉద్దేశిస్తూ మరో ట్వీట్ చేస్తూ నువ్వు, మీ నాన్న నా మీద చేసిన కామెంట్లు సరైనవే. నా తరపున జరిగిన తప్పులకు మీ ఇద్దరికీ క్షమాపణలు చెబుతున్నా అంటూ మరో ట్వీట్ వేశాడు. ఈ మధ్యే పీకే ఫ్యాన్స్ కి సారీ చెప్పిన వర్మ ఇంకా ఎవరినీ ఇబ్బందిపెట్టబోనని చెప్పి, రెండు రోజులకే మెగా ఫ్యామిలీకి కూడా క్షమాపణలు చెప్పటంతో ఇక ఈ వివాదంకు పుల్ స్టాప్ పడిందనే అనుకోవాలేమో! మొత్తానికి వర్మ వోడ్కో మానేయటం అంతా మంచికే అనిపిస్తుంది కదా.

@IAmVarunTej i read ur comments on me about ur dad nd u ar right..it was wrong on my part to say hurtful things nd I apologise to u both

— Ram Gopal Varma (@RGVzoomin) April 14, 2017