బన్నీ పక్కన కూడా ఆ క్రేజీ బ్యూటీయేనా?

Posted: 04/04/2017 03:43 PM IST

శాండల్ వుడ్ లో రష్మిక మందన్న పేరు ఇప్పుడు మారు మోగిపోతుంది. కిరాక్ పార్టీ లాంటి అవార్డు విన్నింగ్ మూవీలో ఫెర్ ఫార్మెన్స్ తో ఆకట్టుకున్న రష్మికపై ఇప్పుడు అన్ని భాషల కళ్లు పడుతున్నాయి. ఇప్పటికే కోలీవుడ్ నుంచి జయం రవి, శివకార్తీకేయన్ లాంటి యంగస్టర్లు తెగ ట్రై చేస్తుండగా, టాలీవుడ్ నుంచి కూడా ఆఫర్లు భారీగానే వెల్లువెత్తుతున్నాయి.

నాగశౌర్య మూవీతోపాటు ప్రభాస్-సుజిత్ మూవీలో కూడా రష్మికనే కన్ఫర్మ్ అయ్యిందనే టాక్ వినిపిస్తోంది. ఇదిలా ఉంటే బన్నీ కూడా ఈ కన్నడ బ్యూటీకే ఓటు వేసినట్లు తెలుస్తోంది. వక్కంతం వంశీతో తీయబోయే సినిమా కోసం 20 ఏళ్ల రష్మికనే ఫైనలైజ్ చేసినట్లు టాక్ వినిపిస్తోంది. హైదరాబాద్ లోని ఓ హోటళ్లో గుట్టు చప్పుడు కాకుండా ఫోటో షూట్ కానిచ్చేసిన దర్శకుడు, ఆపై బన్నీ తో చిన్నపాటి ట్రయల్ షూట్ కూడా చేశాడంట.

ప్రెష్ ఫేస్ కావటం, పైగా కిరాక్ పార్టీలో ఆమె నటన నచ్చటం, అది గాక బన్నీ పక్కనే ఈ భామ సూట్ కావటంతో దాదాపు ఒకే అయ్యిందని ప్రోడక్షన్ వర్గాల నుంచి సమాచారం. దేశ భక్తి నేపథ్యంలో తెరకెక్కబోతున్న ఈ చిత్రానికి నా పేరు సూర్య అనే టైటిల్ పరిశీలనలో ఉంది. నా ఇల్లు ఇండియా అన్నది ట్యాగ్ లైన్. మరోవైపు కన్నడలో రష్మిక హర్ష అనే హీరోతో అంజనిపుత్ర అనే సినిమాలో నటిస్తోంది.