ఆక్సిజన్ సినిమా సమ్మర్ లోనే ఎందుకంటే...

Posted: 02/03/2017 09:12 AM IST

యాక్షన్ స్టార్ గోపీచంద్ కు హిట్ ఇప్పుడు చాలా అవసరం. లౌక్యం తర్వాత హిట్ లేని ఇతగాడు ప్రస్తుతం సంపత్ నంది సినిమాతో బిజీగా వున్నాడు. మాస్ ఆడియన్స్ పల్స్ సంపత్ నందికి బాగా తెలుసు కనుక, ఈ సినిమాపై గోపీచంద్ ఎంతో నమ్మకం పెట్టుకున్నాడు. అయితే దీనికంటే ముందే 'ఆక్సిజన్' అనే సినిమాను పూర్తి చేశాడు. జ్యోతికృష్ణ దర్శకత్వం వహించిన ఈ సినిమా ఎందుకనో ఇంకా రిలీజ్ కు నోచుకోలేదు. అప్పుడెప్పుడో ఫస్ట్ లుక్ అంటూ హడావుడి చేసినప్పటికీ, నాలుగు నెలల క్రితమే షూటింగ్ అయిపోయినప్పటికీ, ఇప్పటిదాకా ఈ ప్రాజెక్టుపై ఓ క్లారిటీ రాలేదు.

ఈ సినిమాకి సంబంధించిన పోస్ట్ ప్రొడక్షన్ పనులు చివరి దశకి చేరుకున్నాయి. దాంతో ట్రైలర్ ను వదలడానికి ఈ సినిమా టీమ్ సిద్ధమవుతోంది. అదే సమయంలో సినిమా రిలీజ్ పై కూడా యూనిట్ ఓ క్లారిటీకి వచ్చినట్లు తెలుస్తోంది. ఈ ప్రాజెక్టుపై జనాల్లో ఆసక్తి క్రియేట్ చేయాలంటే ఆక్సిజన్ ను సమ్మర్ రేసులో నిలపటమే కరెక్టని భావిస్తున్నారంట. దీనికి కారణం ఇందులో నటిస్తున్న హీరోయిన్లు రాశిఖన్నా .. అనూ ఇమ్మాన్యుయేల్.

ప్రస్తుతం రాశిఖన్నా ఎన్టీఆర్-బాబీ కాంబోలో తెరకెక్కుతున్న జై లవకుశకి ఎంపికైన విషయం తెలిసిందే. మరోవైపు అనూ ఇమ్మాన్యుయేల్ పవన్ కళ్యాణ్-త్రివిక్రమ్ ప్రాజెక్టులో హీరోయిన్ లో హీరోయిన్ గా చేస్తుంది. సినిమా రిలీజ్ సమయానికి వాళ్లిద్దరూ షూటింగ్ సెట్స్ లో ఆరకంగా వాళ్లు వార్తల్లో నానుతుంటారు. కాబట్టి ఆ టైంకి ఆక్సిజన్ ను రిలీజ్ చేస్తే రిజల్ట్ మరోలా ఉండొచ్చని టీం భావిస్తోందని తెలుస్తోంది. చూద్దాం ఈ స్కెచ్ వర్కవుట్ అవుతోందో లేదో?.