రవితేజ కొత్త సినిమా ఫస్ట్ లుక్ వచ్చేసింది

Posted: 01/25/2017 04:21 PM IST

బెంగాల్ టైగర్ హిట్ తో మాంచి జోరు మీదున్న ఆ తర్వాత రెండు వరుస సినిమాలు కమిట్ అయ్యి ఎలాగైతే వార్తల్లో నిలిచాడో.. రెమ్యునరేషన్ మూలంగా వాటిని వదలుకుని అంతే జెట్ స్పీట్ తో టాక్ ఆఫ్ ది టౌన్ గా మారాడు. ఇక ఈ మాస్ మహరాజా సినిమా వచ్చి ఏడాది పైగానే దాటిపోయింది. దీంతో ఫ్యాన్స్ కాస్త ఫీలయ్యారు. అయితే ఈ ఏడాది మాత్రం వరుసపెట్టి సినిమాలు చేయాలనుకుంటున్న రవితేజ తన తాజా ప్రాజెక్ట్ ని సెట్స్ పైకి తీసుకెళ్ళేందుకు రంగం సిద్ధం చేస్తున్నట్టు సమాచారం.

విక్రమ్ సిరికొండ అనే దర్శకుడితో నల్లమల్లపు శ్రీనివాస్(బుజ్జి) తో ఓ సినిమా చేసేందుకు రెడీ అయిపోయాడు. అదే టచ్ చేసి చూడు. అల్రెడీ ఈ సినిమా ఫస్ట్ లుక్ ఈరోజు వచ్చేసింది. రేపు అంటే జనవరి 26 మాస్ రాజా పుట్టిన రోజు సందర్భంగా ఈ పోస్టర్ ను వదిలాడు. మొత్తానికి ప్రపంచ టూర్ తో హ్యాపీగా ఉన్న మాస్ రాజా కూల్ లుక్ తో కొత్త బాడీ లాంగ్వేజ్ తో కనిపిస్తున్నాడు. చూస్తుంటే తన ఫంక్తూ సినిమాతో మరోసారి రాబోతున్నట్లు అర్థమౌతోంది.

ఫిబ్రవరి నుంచి ఈ సినిమా రెగ్యులర్ షూటింగ్ ప్రారంభం అవుతుండగా, రాశీఖన్నా హీరోయిన్ గా నటించే అవకాశం ఉంది. ఇక ఇదేగాక వేణు శ్రీరామ్ దర్శకత్వంలో ఎవడో ఒకడు, చక్రి అనే దర్శకుడితో రాబిన్ హుడ్, బాబీతో ఓ ప్రాజెక్ట్, విక్రమ్-దీపక్ జంట దర్శకులతో ఓ పోలీస్ స్టోరీ ఇవి కూడా నెక్ట్స్ ప్రాజెక్టులుగా అల్రెడీ కన్ఫర్మ్ అయినట్లు తెలుస్తోంది. మొత్తానికి ఈ యేడాది కనీసం రెండు ప్రాజెక్టులతో అభిమానులను ఆకట్టుకోవాలన్నదే మాస్ రాజా మాస్టర్ ఫ్లాన్.