దీపిక సినిమా ఏందీ బిల్డప్?

Posted: 01/19/2017 04:09 PM IST

మిడి మిడి జ్నానంతో చేసే వ్యాఖ్యలు చేయటం ద్వారా పరువు పొగొట్టుకోవటం మన సెలబ్రిటీలకు కొత్తేం కాదు. కొద్ది రోజుల క్రితం నటి శిల్పాశెట్టి తన అతి తెలివితో సోషల్ మీడియాలో నవ్వుల పాలయ్యింది. రష్యా తిరుగు బాటుకు సంబంధించిన కథాంశాలతో కూడిన పుస్తకం ఎనిమల్ ఫామ్ ను చిన్న పిల్లల పుస్తకంగా అభివర్ణించి తిట్లు తింది. ఇక ఇప్పుడు ఆవిడగారి భర్త వంతు వచ్చింది. ఇంతకీ వీళ్లు ఏం చేశారనేగా మీ అనుమానం.

సొట్ట బుగ్గల బ్యూటీ దీపిక పదుకునే హాలీవుడ్ డెబ్యూ ట్రిపుల్ ఎక్స్ రిటర్న్ ఆఫ్ క్సాండర్ విదేశాల కంటే ముందుగా మన దగ్గరే విడుదలైన విషయం తెలిసిందే. అయితే కంటెంట్ అంతంతగా మాత్రంగా ఉండటం, పైగా దీపిక రోల్ కూడా పెద్దగా లేకపోవటంతో జనాలు సినిమాపై పెదవి విరిచేశారు. క్రిటిక్స్ కూడా పూర్ రేటింగ్ ఇవ్వటంతో సినిమా అంతంత మాత్రంగానే ఆడుతోంది.

అయితే సోమవారం ఈ సినిమాను జుహూ లోని పీవీఆర్ మాల్ లో శిల్పాశెట్టి తన భర్త రాజ్ కుంద్రా తో కలసి వీక్షించింది. ఏం జరిగిందో ఏమో తెలీదుకానీ, సినిమా మొదలైన అరగంటకే వారిద్దరు అక్కడి నుంచి వెళ్లిపోయారు. కట్ చేస్తే... సినిమా అద్భుతంగా ఉందని, దీపిక రోల్ సూపర్బ్ అంటూ రాజ్ కుంద్రా తన ట్విట్టర్ లో కామెంట్ పెట్టాడు. చూడని సినిమాకు సూపర్ రేటింగ్ ఇచ్చిన అతగాడి ట్వీట్ పై రీట్వీట్లు ఏ రేంజ్ లో పడుంటాయో ఇక మీరే ఊహించేసుకోండి.

Watched #xandercagereturns last night and @deepikapadukone you were superbbbbb Great movie and the action is out of this world!! #FullHouse

— Raj Kundra (@TheRajKundra) January 18, 2017