కెరీర్ బెస్ట్ కలెక్షన్లతో శర్వ పరుగులు

Posted: 01/15/2017 03:53 PM IST

టాలీవుడ్ యంగ్ హీరో శర్వానంద్ నటించిన శతమానం భవతి చిత్రం తన కెరీర్ బెస్ట్ కలెక్షన్లతో దూసుకుపోతుంది. మెగాస్టార్ చిరంజీవి ఖైదీ నంబర్ 150, నందమూరి బాలకృష్ణ శతచిత్రం గౌతమీపుత్ర శాతకర్ణి చిత్రాలు ఓ వైపు అంతకుముందుగానే రిలీజ్ అయ్యి భారీ వసూళ్లను రాబడుతున్న తరుణంలో ఇటు శర్వానంద్ నటించిన చిత్రం కూడా ఆయన కెరీర్ లో అత్యధిక తొలిరోజు వసూళ్తు రాబట్టిన చిత్రంగా నిలిచింది. శర్వా గత చిత్రం ఎక్స్ ప్రెస్ రాజా 1.5 కోట్ల తొలిరోజు కలెక్షన్లను రాబట్టగా, శతమానం భవతి మాత్రం ఏకంగా అంతకు రెట్టింపు కలెక్షన్లను రాబట్టింది. దీంతో సంక్రాంతి బరిలో నిలచిన యంగ్ హీరో చిత్రాన్ని కూడా ప్రేక్షకులు అదరించారు.

ఈ సినిమా విడుదలైన తొలి రోజునే 3.04 కోట్ల రూపాయలను ఉభయ తెలుగు రాష్ట్రాల నుంచి రాబట్టింది. నైజాంలో 1.5 కోట్లు, సీడెడ్ లో 34 లక్షలు, వెస్ట్ గోదావరిలో 31 లక్షలు, తూర్పులో 39 లక్షలు, వైజాగ్ లో 46 లక్షలు, దుంటూరులో 24 లక్షలు, కృష్ణాలో 16 లక్షలు, నెల్లూరులో 8లక్షల రూపాయలను రాబట్టింది. ఇక అమెరికాలో చిత్రం శనివారం ఒక్కరోజు మాత్రమే 205 వేల డాలర్లను అర్జించింది. దీంతో శర్వానంద్ కూడా పండగ పూట కలెక్షన్ల పరుగులు పెడుతున్నాడు.