రానా ఘాజీ ట్రైలర్ వచ్చేసింది

Posted: 01/11/2017 02:56 PM IST

ఎట్టకేలకు రానా సోలో రిలీజ్ కు రెడీ అయిపోయింది. ఘాజీ సినిమా అఫీషియల్ ట్రైలర్ ను నిర్మాణ సంస్థ పీవీపీ కాసేపటి క్రితం రిలీజ్ చేసింది. ఇండో-పాక్ యుద్ధంకు ముందు పరిస్థితుల ను బేస్ చేసుకుని వాస్తవ కథనంతో ఈ చిత్రం తెరకెక్కుతుంది. తెలుగు, తమిళ్ మరియు హిందీ బాషల్లో ఘాజీ తెరకెక్కింది.

పాక్ సబ్ మెరైన్ ఘాజీ ఎలాంటి పరిస్థితుల్లో మునిగిపోయింది? అందులో భారత నౌక విక్రాంత్ పాత్ర ఏంటి? ఎదురు దాడిని చేయలేక పాక్ పిచ్చెక్కిపోవటం, చివరకు విశాఖపట్నంను నాశనం చేసేందుకు యత్నించగా నేవీ చేసిన దాడిలో ఘాజీ మునిగిపోయింది. ఇప్పటికీ అది మిస్టరీగానే ఉండగా, ఆ అంశాన్ని సినమాగా ఎంచుకుని అదే పేరుతో తెరకెక్కించాడు సంకల్ప్ రెడ్డి. రానా నేవీ ఆఫీసర్ గా రూపొందిన ఈ చిత్రంలో తాప్సీ, నాజర్, దివంగత నటుడు ఓంపురి, అతుల్ కులకర్ణి తదితరులు నటించారు.

 

ఇక ట్రైలర్ విషయానికొస్తే.. ఎక్కువ శాతం నీటి అడుగునే రూపొందించినట్లు తెలుస్తోంది. విజువల్ గా గ్రాండ్ గా తెరకెక్కిన ఈ చిత్రంలో యాక్షన్ సన్నివేశాలు, ముఖ్యంగా దేశభక్తి సీన్లు ఎక్కువ ఎలివేట్ అయ్యే ఛాన్సుంది. బాలీవుడ్ టాప్ మేకర్ కరణ్ జోహర్ దీనిని రిలీజ్ చేస్తుండటంతో అంచనాలు భారీగానే ఉన్నాయి.  ఫిబ్రవరి 17న ఘాజీ ప్రపంచవ్యాప్తంగా రిలీజ్ కానుంది.