చిరుతో రోజా సరదగా కాసేపు...

Posted: 01/11/2017 01:19 PM IST

Roja interview chiranjeevi for khaidi no 150

వారి దారులు ఎలా ఉన్నా 150వ చిత్ర పుణ్యమాని ఇద్దరు ఒకటయ్యారు. అంతేనా ఏకంగా ఓ ఇంటర్వ్యూ ఇచ్చి ఇప్పుడు మీడియాలో హాట్ టాపిక్ గా మారారు. ఒకరు మెగాస్టార్ అయితే మరోకరు ఇప్పటికీ క్రేజీ తగ్గని హీరోయిన్(ఒకప్పుడు). నటి రోజా ప్రతిపక్ష వైసీపీ అన్నది తెలిసిన విషయమే. దీంతో జగన్ ఛానెల్ సాక్షి తరపున చిరును ఇంటర్వ్యూ చేసేసింది రోజా.

రోజాను చూసి చిరు షాక్ అవ్వటం దగ్గరి నుంచి, వాళ్లిద్దరూ కలిసి చేసిన మూడు సినిమాల జర్నీ గురించి మొదలుపెట్టడంతో ఇంటర్వ్యూ ప్రారంభమైంది. ఇద్దరూ కలిసి అలనాడు తాము కలిసి నటించేటప్పటి అనుభవాలను వారు కలబోసుకున్నారు. అప్పట్లో తాను, చిరు, ఆయన భార్య సురేఖ కలిసి దొంగచాటుగా, ముసుగులు వేసుకుని వెళ్లి, ప్యారడైజ్ బిరియానీ తిన్న విషయం గుర్తు వుందా అని ఆమె అడిగారు. దానికి చిరు ముసి ముసి నవ్వులు చిందించారు. చెర్రీని గారు అని సంబోధించిన సమయంలో వాడిని ఎత్తుకున్నావ్ అలా అనాల్సిన అవసరం లేదు పేరు పెట్టి పిలువు అని పేర్కొన్నాడు.

'ఒకప్పుడు మాస్ అంటే కేవలం క్రింద నేల మీద కూర్చునే ఆడియన్స్ మాత్రమే. కాని మీ సినిమాలు వచ్చిన తరువాత.. నేల బెంచి బాల్కనీ అందరూ మాస్ అనే చెప్పాలి. ఎందుకంటే అందరూ మీ సినిమాలను ఒకే తరహాలో ఎంజాయ్ చేస్తారు. వీలలు వేస్తూ అరుపులు అరుస్తూ మైకంలోకి జారుకుంటారు. మాస్ కి మీరు మీనింగ్ కొత్తగా డిఫైన్ చేశారు'' అంటూ మెగాస్టార్ చిరంజీవిని ఉద్ద్యేశించి రోజా కామెంట్ చేశారు. ''అవును నిజమే'' అంటూ చెప్పిన చిరు.. అందుకోసమే తాను మాస్ పల్స్ ఉన్న కమర్షియల్ సినిమాలనే చేస్తున్నట్లు వివరించారు. ప్రయోగాలు ఫలించవు అని కాదు కాని.. తన ఇమేజ్ కు అవి సెట్టవ్వవు అని ఆయన కన్ఫామ్ చేసేశారు.

ఇక తనకు రాజకీయాల్లో జరిగిన అవమానాల గురించి, పవన్ కళ్యాణ్ స్టార్ డమ్ గురించి, వివాదాల గురించి ప్రస్తావిస్తూ పలు విషయాలే చెప్పుకున్నాడు. సినిమాల్లో హీరో హీరోయిన్లు అయినా, రాజకీయంగా వేరు వేరు మార్గాల్లో వున్నా, విమర్శలు చేసుకున్నా... సరదాగా వారిద్దరి మధ్య సాగిన ఇంటర్వ్యూ మాత్రం ఇప్పుడు అందరినీ ఆకట్టుకోంది.