మెగా టీజర్ పై అంతా టెన్షన్.. టెన్షన్...

Posted: 12/08/2016 03:18 PM IST

మెగాస్టార్ 150వ చిత్ర టీజర్ కి సర్వం సిద్ధం అయిపోయింది. ఈ రోజు సాయంత్రం చిత్ర నిర్మాత రాంచరణ్ ఈ చిత్రం టీజర్ ను విడుదల చేసి, రేపటి నుంచి తన సినిమా ధ్రువ షోలలో ప్రదర్శించేందుకు సిద్ధమైపోతున్నాడు. ఇప్పటికే ఖైదీ నంబర్ 150 ఫస్ట్ లుక్ కు విపరీతమైన రెస్పాన్స్ రాగా, ఆ తర్వాత విడుదల చేసిన పోస్టర్ లలో చిరు లుక్కు కిక్కేచ్చింది.

ఇంకా ఒక్క రోజు షూటింగ్ మిగిలి ఉందని చెప్పిన చెర్రీ క్రిస్మస్ కి ఆడియో విడుదల చేస్తున్నట్లు చెప్పేశాడు. 25వ తేదీ సాయంత్రం విజయవాడలోని ఇందిరాగాంధీ మైదానంలో ఆడియో వేడుక జరిగే అవకాశం ఉంది. ఇక రిలీజ్ డేట్ విషయంలో కూడా చెర్రీ ఓ ప్రకటన చేశాడు. ముందుగా అనుకున్నట్లు భోగి రోజున (13న)కాకుండా, 11 లేదా 12 వ తేదీల్లోనే రిలీజ్ చేసేందుకు రెడీ అయిపోతున్నాడు.

 

ఒకవేళ బాలయ్య శాతకర్ణి 12 న వస్తే చిరు 11నే దిగుతాడన్నమాట. ఆడియో పంక్షన్ లో నే రిలీజ్ పై ఓ స్పష్టత వచ్చే అవకాశం ఉంది. ప్రస్తుతం అందరి కళ్లన్నీ సాయంత్రం 6 ఎప్పుడు అవుతుందా? అని, మాస్ దర్శకుడు వినాయక్ చిరును ఎలా చూపించబోతున్నాడా? అని ఎదురు చూస్తున్నాయి.