ప్రేమమ్ పాపతో ప్రేమకథ..!

Posted: 06/17/2016 12:40 PM IST

Varun teja and shekarkammula movie heroine saipallavi confirmed

మలయాళ చిత్రం ‘ప్రేమమ్’లో మలర్ పాత్రలో అక్కడి వాళ్లనే కాకుండా మొత్తం దక్షిణాదిని తనవైపు తిప్పుకున్న కథానాయిక సాయిపల్లవి. ఇప్పుడామె తెలుగులో కూడా ఎంట్రీ ఇవ్వడానికి సిద్ధమవుతున్నారు. వరుణ్‌తేజ్ హీరోగా శేఖర్ కమ్ముల దర్శకత్వంలో ‘దిల్’ రాజు ఓ సినిమా నిర్మించనున్న సంగతి తెలిసిందే. ఈ చిత్రంలో సాయిపల్లవిని కథానాయికగా ఎంపిక చేశారు. ఈ సినిమాని జూలై 25న షూటింగ్ ప్రారంభిస్తున్నట్లుగా సమాచారం తెలుస్తోంది.

అక్టోబరుతో చిత్రీకరణ పూర్తి చేసి డిసెంబరులో ఈ చిత్రాన్ని విడుదల చేయడానికి సన్నాహాలు చేస్తున్నారు. ఈ చిత్రానికి ఎడిటింగ్: మార్తాండ్ కె వెంకటేశ్, సినిమాటోగ్రఫీ: విజయ్‌కుమార్ చేస్తున్నారు.

సాయిపల్లవి క్యారెక్టర్ ఈ సినిమాలో చాలా బాగుంటుందని ఇది శేఖర్ కమ్ముల తనదైనస్టైల్లో తెరకెక్కిస్తాడని ప్రొడ్యూసర్ దిల్ రాజు మంచి కాన్ఫిడెంట్ తో ఉన్నాడు.

- మూర్తి