మిస్సమ్మ సినిమానే ఇన్సిప్రేషన్...!

Posted: 06/15/2016 12:35 PM IST

Meeku meere maku meme movie ready for releasing

తరుణ్‌శెట్టి, అవంతిక, కిరీటి కీలక పాత్రధారులుగా రూపొందిన చిత్రం ‘మీకు మీరే మాకు మేమే’. ‘నాన్నకు ప్రేమతో’ సినిమాకు కథా సహకారం అందించిన హుస్సైన్ షా కిరణ్‌ ఈ సినిమాతో దర్శకుడిగా పరిచయమవుతున్నారు. నకామా ప్లానెట్‌ గ్రీన్ స్టూడియోస్‌ సంస్థ నిర్మించిన ఈ చిత్రం ఈ నెల 17న ప్రేక్షకుల ముందుకొస్తుంది.

మంగళవారం హైదరాబాద్‌లో ఏర్పాటు చేసిన విలేకరుల సమావేశంలో దర్శకుడు మాట్లాడుతూ ‘‘పరిణితి లేని ఓ అబ్బాయి, జీవితం పట్ల అవగాహన, బాధ్యత కలిగిన ఓ అమ్మాయి మధ్య నడిచే ప్రేమకథే ఈ సినిమా. ప్రేమలో పడ్డ తర్వాత వీరిద్దరి మధ్య ఎటువంటి పరిణామాలు చోటుచేసుకున్నాయనేది ఆసక్తికరంగా తెరకెక్కించామని'' చెప్పారు. ‘మిస్సమ్మ’ సినిమాలో సావిత్రిగారు ఏఎన్నార్‌గారికి ‘మీకుమీరే మాకుమేమే’ పాట నేర్పించే సన్నివేశమంటే నాకు చాలా ఇష్టమని అదే సినిమా ఇన్సిప్రిరేషన్ తో ఈ సినిమాని రూపొందిచామని చెప్పారు.

చక్కని రొమాంటిక్‌ కామెడీ సినిమా అని, స్ర్కీన్‌ప్లే చాలా కొత్తగా ఉంటుందని చెప్పారు. నలుగురు మిత్రులు కలిసి నిర్మించిన ఈ సినిమాకు అల్లు అరవింద్‌గారి సహకారం ఎంతో ఉందని ఆయనకి కృతజ్ఞతలు తెలిపారు. సినిమా చూసి ఆయనే డిస్ట్రిబ్యూషన్ తీసుకోవడం మా టీమ్‌కు ఎంతో ఉత్సాహానిచ్చింది. నిజంగా ఆయనకి చాలా థ్యాంక్స్ అని, సినిమా అన్ని వర్గాల ప్రేక్షకులను ఖచ్చితంగా అలరిస్తుందని చెప్పారు.

- మూర్తి