కొత్తరకం ప్రేమకథతో....

Posted: 06/14/2016 01:13 PM IST

నవీన్‌ చంద్ర కథానాయకుడిగా నటించిన చిత్రం ‘చందమామ రావే’. ‘అది రాదు... వీడు మారడు’ అనేది ఉపశీర్షిక. ప్రియల్‌ గోర్‌ కథానాయిక. ధర్మ-రక్ష దర్శకత్వం వహిస్తున్నారు.

కిరణ్‌ జక్కంశెట్టి, శ్రీని గుబ్బల నిర్మాతలు. ఇటీవల రామోజీ ఫిల్మ్‌సిటీలో తెరకెక్కించిన సన్నివేశాలతో చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి.

దర్శకుడు దర్మ-రక్ష మాట్లాడుతూ ‘‘ఇదొక కొత్త రకం ప్రేమకథ. ‘అందరి ప్రేమ ఒకటి కాదు... ప్రేమలో ఎవడి కోణం వారిదే, ఎవరి ప్రేయసి వారిదే’ అనే విషయాన్ని ఒక జంట నేపథ్యంలో చెబుతున్నాం.

గాంగ్‌టక్‌, గోవా లాంటి అందమైన ప్రదేశాల్లో చిత్రాన్ని  తెరకెక్కించామని, ఈ సినిమా అన్ని వర్గాల ప్రేక్షకులను అలరిస్తుందని ఆశాభావం వ్యక్తం చేశారు.  

- మూర్తి