సాయిధరమ్ తేజ్ ను కాపీకొట్టిన కాష్మోరా

Posted: 05/25/2016 03:45 PM IST

‘ఊపిరి’ సినిమాతో తెలుగు ప్రేక్షకులకు మరింత దగ్గరైన తమిళ నటుడు కార్తీ పుట్టినరోజు నేడు. ఈ సంధర్భంగా కార్తీ నటిస్తున్న తాజా చిత్రం ‘కాష్మోరా’ ఫస్ట్ లుక్ పోస్టర్ ఒకటి సోషల్ మీడియాలో తెగ హల్చల్ చేస్తోంది. తెలుగులో సాయిధరమ్ తేజ హీరోగా నటించిన ‘సుప్రీమ్’ పోస్టర్ ను ఎడిట్ చేసి ‘కాష్మోరా’ ఫస్ట్ లుక్ గా డిజైన్ చేసారు.

ఈ పోస్టర్ ను ఒరిజనల్ పోస్టర్ గా సోషల్ మీడియాలో ప్రమోట్ చేస్తున్నారు. సాయిధరమ్ తేజ మొహం తీసేసి, కార్తీ మొహాన్ని చాలా పర్ఫెక్ట్ గా సెట్ చేసారు. చూస్తుంటే రియల్ గా ఫస్ట్ లుక్ పోస్టర్ ను విడుదల చేసారా అని అనిపించే విధంగా వుంది. ఇక కార్తీ తన పుట్టినరోజు వేడుకలను ఈ చిత్ర షూటింగ్ సెట్లోనే జరుపుకున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. కార్తీ, నయనతార, శ్రీదివ్య ప్రధాన పాత్రలలో నటిస్తున్నారు. ఫాంటసీ థ్రిల్లర్ గా రూపొందుతున్న ఈ సినిమాలో కార్తీ మూడు విభిన్న పాత్రలలో కనిపించనున్నాడు. త్వరలోనే ఈ సినిమాను ప్రేక్షకుల ముందుకు తీసుకురానున్నారు.