ధూమ్3 కంటే స్పీడుగా వున్నాడయ్యో!

Posted: 05/13/2016 05:07 PM IST

తమిళ సూపర్ స్టార్ రజనీకాంత్ మరోసారి తన క్రేజ్ ఏంటో చూపిస్తున్నాడు. రజనీకాంత్ నటిస్తున్న ‘కబాలి’ చిత్ర ఫస్ట్ లుక్ టీజర్ ఇటీవలే విడుదలైన విషయం తెలిసిందే. ఈ టీజర్ యూట్యూబ్ లో రికార్డుల మోత మోగిస్తుంది. ఇప్పటివరకు వున్న రికార్డులను బద్దలుకొట్టి మొదటి స్థానంలో నిలిచింది. విడుదలైన 22 గంటల్లోనే ‘కబాలి’ టీజర్ 50 లక్షలకు పైగా హిట్లు సంపాదించి రికార్డు సృష్టించింది. ఇప్పటి వరకు ఈ టీజర్ను కోటి 71 లక్షల మంది వీక్షించారు.

అత్యధిక హిట్లు వచ్చిన ఇండియన్ ఫిల్మ్ టీజర్గా ‘కబాలి’ రికార్డు సాధించింది. ‘కబాలి’ దూకుడుకు సల్మాన్ ఖాన్ ‘సుల్తాన్’, అమీర్ ఖాన్ ‘ధూమ్3’ సినిమాల టీజర్ల రికార్డులు బద్దలు అయ్యాయి. ఈ టీజర్లో రజనీకాంత్ డైలాగ్స్, స్టైల్ కు భారీ రెస్పాన్స్ వస్తోంది. మొత్తానికి కేవలం ఒక్క టీజర్ ఇండియాలో భారీ రికార్డ్ క్రియేట్ చేసి, బాక్సాఫీస్ వద్ద మోత మోగిస్తుంది.

భారీ అంచనాలతో రూపొందుతున్న ఈ సినిమాలో రజనీ సరసన రాధిక ఆప్టే హీరోయిన్ గా నటిస్తుంది. హీరోయిన్ ధన్సిక ముఖ్య పాత్రలో నటిస్తుంది. పి.రంజిత్ దర్శకత్వంలో తెరకెక్కుతున్న ఈ చిత్రాన్ని తెలుగు, తమిళం భాషలలో ఏకకాలంలో ప్రపంచ వ్యాప్తంగా గ్రాండ్ గా విడుదల చేయనున్నారు.