హృతిక్ మంచోడే... అసలు కథ ఆవిడదేనట!

Posted: 04/22/2016 05:20 PM IST

No relation between hrithik roshan and kangana

గతకొద్ది రోజులుగా బాలీవుడ్ ప్రేమజంట వివాదం ఓ కొలిక్కి వచ్చినట్లుగా కనిపిస్తుంది. బాలీవుడ్ హీరో హృతిక్ రోషన్, హీరోయిన్ కంగనా రనౌత్ ల ప్రేమ వ్యవహారం ముదిరి, ఒకరిమీద ఒకరు కామెంట్లు చేసుకొని, చివరకు కోర్టు మెట్లు ఎక్కవలసిన పరిస్థితి ఏర్పడింది. వీరిద్దరూ కూడా ఒకరిపై ఒకరు కోర్టు ద్వారా లీగల్ కేసులతో గొడవ పడుతున్నారు.

కంగనా మీడియాతో ఎప్పుడూ మాట్లాడినా కూడా తన పేరును ప్రస్తావిస్తుందని, కాబట్టి చేసిన తప్పుకు మీడియా సమావేశం ఏర్పాటు చేసి క్షమాపణలు చెప్పాలని కంగానాకు హృతిక్ లీగల్ నోటీసులు పంపించాడు. అయితే కంగనా కూడా హృతిక్ పై ఆయా చట్టాల కింద కేసులు నమోదు చేయించి, హృతిక్ కు నోటిసులు పంపించింది. తనకు రోజుకు హృతిక్ నుంచి 50 మెయిల్స్ వచ్చేవని, అలాగే తన హృతిక్ మెయిల్ నుంచి చెత్త ఫోటోలు, వీడియోలు వచ్చేవని, తనను ప్రైవేట్ పార్టీలకు పిలిచేవాడని కంగనా ఆరోపించింది.

ఇలా వీరి రచ్చ ఎక్కువ కావడంతో రంగంలోకి దిగిన పోలీసులు విచారణ చేపట్టారు. ఇందులో హృతిక్ రోషన్ తప్పు ఏమి లేదని తేలింది. కంగనాకు హృతిక్ ప్రేమ పేరుతో ఎలాంటి ఈమెయిల్స్ పంపలేదని, కానీ కంగనా నుండి మాత్రం ఆరు నెలల వ్యవధిలో దాదాపు 3వేల ఈమెయిల్స్ హృతిక్ కు వచ్చాయని తేలింది. అయితే హృతిక్ పేరుతో ఎవరో ఫేక్ అకౌంట్ క్రియేట్ చేసి, కంగనాకు ఈమెయిల్స్ పంపించారని ప్రాథమిక దర్యాప్తులో తేలింది. కంగనాకు హృతిక్ పేరుతో వచ్చిన ఈమెయిల్స్ కు హృతిక్ రోషన్ కు ఎలాంటి సంబంధం లేదని తేలింది.

ఇక హృతిక్ రోషన్ ఫోన్ కాల్స్ ను కూడా పరిశీలించిన పోలీసులు... ఈ ఏడేళ్లలో కేవలం నాలుగుసార్లు మాత్రమే కంగనాతో హృతిక్ మాట్లాడాడని తేలింది. ఇక కంగనాను కలిసేందుకు హృతిక్ ప్యారిస్ వెళ్లాడని వస్తున్న వార్తల్లో ఎలాంటి నిజం లేదని అతని పాస్ పొర్ట్ రికార్డుల ద్వారా బయటపడింది. మొత్తానికి ఈ వివాదంలో హృతిక్ రోషన్ తప్పేమి లేదని తేలింది. కంగనా నుంచి హృతిక్ తనకు వచ్చిన ఈమెయిల్ కాపీలను పోలీసులకు అందజేసారు. కానీ ఆ ఈమెయిల్ కాపీలు బయటకు లీక్ అయ్యాయి. మరి హృతిక్ తప్పు ఏం లేదని తెలియడంతో కంగనా ఎలా స్పందిస్తుందో చూడాలి.