తన ప్రేయసితో యువ దర్శకుడు జంప్ జిలానీ?

Posted: 04/14/2016 12:09 PM IST

Director sriram aditya elopes with his girl friend

‘భలే మంచి రోజు’ సినిమాతో దర్శకుడిగా తెలుగు సినీ ఇండస్ట్రీలోకి ఎంట్రీ ఇచ్చిన శ్రీరామ్ ఆదిత్య.. తన సినిమాలోని ఓ సీన్ ను నిజ జీవితంలో వాడేసుకున్నాడు. ‘భలే మంచి రోజు’ చిత్రంలో కళ్యాణ మండపం నుంచి పెళ్లికూతురు తనకు నచ్చిన యువకుడితో లేచిపోయే సీన్ వుంటుంది. ఆ సీన్ ను శ్రీరామ్ ఆదిత్య తన నిజజీవితంలో వాడేసాడు.

తాజా సమాచారం ప్రకారం... మరో నాలుగు రోజుల్లో పెళ్లి చేసుకోబోతున్న అమ్మాయిని తీసుకొని శ్రీరామ్ ఆదిత్య ఎలోప్ అయ్యాడని తెలిసింది. వివరాల్లోకి వెళితే... శ్రీరామ్ ఆదిత్య గతకొద్ది రోజులుగా ఓ అమ్మాయితో ప్రేమలో వున్నాడు. అయితే ఆ అమ్మాయి తల్లితండ్రులు మరో వ్యక్తితో ఈనెల 17న పెళ్లి చేయాలని నిర్ణయించారు. పెళ్లికార్డులు కూడా పంచేసారని తెలిసింది.

కానీ మంగళవారం ఆ యువతి ఇంట్లో ఎవరికి చెప్పకుండా శ్రీరామ్ ఆదిత్యతో వెళ్లిపోయిందట. ఈ విషయం తెలిసిన అమ్మాయి తల్లితండ్రులు పోలీసులకు ఫిర్యాదు మాత్రం చెయ్యలేదని తెలిసింది. మరి శ్రీరామ్ ఆదిత్యపై ఫిర్యాదు చేయకపోవడానికి కారణమేంటి? శ్రీరామ్ ఆదిత్య ఆ అమ్మాయిని పెళ్లి చేసుకున్నాడా లేదా? అనే విషయాలు తెలియాల్సి వుంది.