దుమ్మురేపుతున్న ‘సుల్తాన్’ టీజర్

Posted: 04/13/2016 09:25 AM IST

‘భజరంగీ భయిజాన్’ చిత్రంతో రికార్డుల మోత మోగించిన తర్వాత బాలీవుడ్ కండల వీరుడు సల్మాన్ ఖాన్ నటిస్తున్న తాజా చిత్రం ‘సుల్తాన్’. ‘‘Wrestling is not a sport. Its about fighting what lies within’’ అనే కాన్సెప్టుతో రూపొందుతున్న ఈ చిత్ర టీజర్ ను నిన్న విడుదల చేసారు. ఈ టీజర్ సోషల్ మీడియాలో దుమ్మురేపుతోంది.

ఇప్పటికే ఈ టీజర్ 3,010,057 మంది వీక్షించారు. ఈ ఒక్క టీజర్ తో ఈ సినిమాపై వున్న అంచనాలు భారీగా పెరిగిపోయాయి. హర్యాణకు చెందిన ఓ రెజ్లర్ నిజ జీవితగాధగా రూపొందుతోంది. ప్రతిష్టాత్మక యశ్ రాజ్ ఫిల్మ్స్ సంస్థ ప్రతిష్టాత్మకంగా నిర్మిస్తున్న ఈ చిత్రానికి అలీ అబ్బాస్ జాఫర్ దర్శకత్వం వహిస్తున్నారు. తొలిసారిగా సల్మాన్ సరసన అనుష్క శర్మ జోడి కడుతోంది. భారీ అంచనాతో రూపొందుతున్న ‘సుల్తాన్’ ను త్వరలోనే ప్రేక్షకుల ముందుకు తీసుకురానున్నారు.