ఏప్రిల్ 17న తమిళ హీరోల క్రికెట్ మ్యాచ్

Posted: 04/06/2016 03:40 PM IST

Tamil nadu celebrity cricket match on 17 april

తమిళనాడు సినీ అభిమానులను అలరించడానికి తమిళ సినీనటులు సిద్ధమవుతున్నారు. సెలబ్రెటీ క్రికెట్ లీగ్ పేరుతో తమిళ నటీనటులు క్రికెట్ ఆడి అలరించనున్నారు. ఈ క్రికెట్ ఈనెల 17న చెన్నైలోని చెపాక్ స్టేడియం వేదిక కానుంది. ఈ క్రికెట్ ఆడటానికి ఓ కారణం కూడా వుంది.
దక్షిణ భారత నటీనటుల సంఘ భవన నిర్మాణం కోసం నిధిని సేకరించడంలో భాగంగా ఈ స్టార్స్ సెలబ్రెటీ క్రికెట్ నిర్వహించనున్నారు.

ఇందులో తమిళ సినీ ఇండస్ట్రీకి చెందిన స్టార్ హీరోలు, నటులు పాల్గొననున్నారు. 8 జట్లుగా ఏర్పడి, ఒక్కో జట్టు ఆరు ఓవర్లు ఆడనున్నారు. ఈ 8 జట్ల వివరాలు ఈ క్రింది విధంగా వున్నాయి.

జట్టు పేరు - కెప్టెన్
1. రామ్‌రాజ్ చెన్నై సింగమ్స్ - సూర్య
2. ఎస్థల్ మదురై కాళైస్ - విశాల్
3. శక్తి మసాలా కోవై కింగ్స్‌ - కార్తీ
4. ఎమ్జీఆర్ యూనివర్సిటీ నెల్లై డ్రాగర్స్ - జయంరవి
5. రామ్‌నాట్ రైనోస్ - విజయ్‌ సేతుపతి
6. తంజై వారియర్స్ - జీవా
7. సేలం చీటర్స్ - ఆర్య
8. కల్యాణ్ జ్యువెలర్ తిరుచ్చి టైగర్స్ - శివకార్తికేయన్

ఈ సెలబ్రిటీ క్రికెట్ మ్యాచ్ కు సూపర్‌స్టార్ రజనీకాంత్, ఉలగనయగన్ కమల్ హాసన్ లు కూడా హాజరుకానున్నారు. అలాగే హీరోయిన్లు, నటీమణులు, దర్శకనిర్మాతలు, సాంకేతికనిపుణులు ఈ ఈవెంట్ లో పాల్గొని సందడి చేయనున్నారు. త్వరలోనే జట్టు సభ్యుల వివరాలను ప్రకటించనున్నారు.