కన్ఫర్మ్: హిందీలో ‘తడ్క’గా వస్తున్న ‘ఉలవచారు బిర్యానీ’

Posted: 04/04/2016 05:42 PM IST

Nana patekar in ulavacharu biryani remake

తెలుగు, తమిళంలో నటుడు ప్రకాష్ రాజ్ స్వీయ దర్శకత్వంలో రూపొందిన చిత్రం ‘ఉలవచారు బిర్యాని’. ప్రకాష్ రాజ్, స్నేహ, తేజు, సంయుక్త హర్నాడ్ కీలక పాత్రలలో నటించిన ఈ చిత్రం తెలుగు, తమిళం భాషలలో విడుదలై, మంచి టాక్ ను సొంతం చేసుకుంది. అయితే ఈ చిత్రాన్ని హిందీలో రీమేక్ చేస్తున్నారు.

హిందీ రీమేక్ వర్షెన్ కు ప్రకాష్ రాజ్ దర్శకత్వం వహించనున్నారు. ప్రకాష్ రాజ్ పాత్రలో ప్రముఖ జాతీయ ఉత్తమ నటుడు నానా పటేకర్ నటించనున్నారు. హిందీలో ‘తడ్క’ పేరుతో ఈ చిత్రాన్ని ప్రకాష్ రాజ్ పున:నిర్మిస్తున్నారు. జీ స్టూడియోస్ కూడా ఈ చిత్ర నిర్మాణంలో భాగస్వామిగా మారింది.

ఇందులో శ్రియ, తాప్సీలు ముఖ్య పాత్రలలో నటించనున్నారు. మే, జూన్ నెలల్లో షూటింగ్ కార్యక్రమాలు జరుగనున్నాయని ఈ చిత్ర దర్శకుడు ప్రకాష్ రాజ్ చెప్పుకొచ్చారు. మరి హిందీలో ఎలాంటి విజయం సాధించనుందో చూడాలి.

- Sandy