కరీనాకు సూపర్ స్టార్ డివిడీలు పంపిస్తున్నారట

Posted: 03/25/2016 12:12 PM IST

టాలీవుడ్ సూపర్ స్టార్ మహేష్ బాబుకు దేశ వ్యాప్తంగా భారీ క్రేజ్ వున్న విషయం తెలిసిందే. మహేష్ బాబు ఓ సూపర్ స్టార్ గా అందరికి సుపరిచితుడే... కానీ మహేష్ కూడా కొంతమంది సినీ సెలబ్రెటీలకు మంచి స్నేహితుడు. అలాంటి మహేష్ స్నేహితులలో బాలీవుడ్ స్టార్ హీరో సైఫ్ అలీఖాన్ ఒకరు. ఈ విషయాన్ని తాజాగా సైఫ్ అలీఖాన్ భార్య, బాలీవుడ్ స్టార్ హీరోయిన్ కరీనా కపూర్ చెప్పుకొచ్చింది.

కరీనా కపూర్ నటించిన ‘కీ అండా కా’ చిత్రం ప్రమోషన్స్ కార్యక్రమంలో భాగంగా మీడియాతో ముచ్చటించారు. ఈ సంధర్భంగా కరీనా మాట్లాడుతూ... నేను, సైఫ్ అలీఖాన్ టాలీవుడ్ లేటేస్ట్ సినిమాల గురించి మహేష్, నమ్రతలను అడుగుతుంటాం. మహేష్ స్వయంగా కొన్ని చిత్రాలను ఎంపిక చేసి, మాకోసం డివిడిలను పంపిస్తుంటారు అని కరీనా ఇటీవలే ఓ ఇంటర్వ్యూలో చెప్పుకొచ్చింది.

తెలుగులో నటించాలని వున్నప్పటికీ... భాషతో వున్న ఇబ్బంది వల్ల ఆగాల్సి వస్తుందంటూ కరీనా చెప్పుకొచ్చింది. మరి ఇప్పటివరకు మహేష్ ఏయే హీరోల సినిమాల డివిడిలను సైఫ్-కరీనాల కోసం పంపించాడో ఏమో. కరీనా నటించిన ‘కీ అండ్ కా’ ఏప్రిల్ 1వ తేదిన ప్రపంచ వ్యాప్తంగా విడుదల కానుంది.