ఇడ్లీలు అమ్మిన కలెక్షన్ కింగ్

Posted: 03/24/2016 04:19 PM IST

మంచు లక్ష్మీప్రసన్న నిర్వహిస్తున్న ‘మేము సైతం’ కార్యక్రమం విజయవంతంగా కొనసాగుతోంది. ఈ కార్యక్రమం ద్వారా వచ్చిన డబ్బును సేవా కార్యక్రమాలకు వినియోగించనున్నారు. ఓ ప్రైవేట్ ఛానల్ లో ప్రసారం కానున్న ఈ కార్యక్రమం కోసం ఇప్పటికే చాలా మంది సినీతారలు తమవంతు సహకారం అందించారు.

ఇప్పటికే రకూల్ ప్రీత్ సింగ్ కూరగాయలు అమ్మడం, రానా కూలీగా మారడం, అఖిల్ ఆటో నడపడం, శ్రీయ సేల్స్ గర్ల్ గా పనిచేయడం... ఈ విధంగా వచ్చిన మొత్తాన్ని ‘మేమే సైతం’ కార్యక్రమం ద్వారా సేవా కార్యక్రమాలకు వినియోగించడం జరుగనుంది. అయితే తాజాగా ఈ జాబితాలోకి కలెక్షన్ కింగ్ మోహన్ బాబు కూడా చేరారు.

తాజాగా మోహన్ బాబు ఇడ్లీలు అమ్మడం జరిగింది. తిరుపతిలోని శ్రీ విద్యానికేతన్ విద్యాసంస్థల ఎదురుగా రోడ్డుమీద ఇడ్లీలు అమ్మి, అలా వచ్చిన సొమ్మును ‘మేము సైతం’ కార్యక్రమాలకు వినియోగించనున్నారు.