ప్రభుదేవాను పెళ్లి చేసుకున్న మిల్కీబ్యూటీ

Posted: 03/18/2016 01:11 PM IST

మిల్కీ బ్యూటీ తమన్నావివాహం జరిగిపోయింది. తమన్నా పెళ్లి ఫోటోలు ప్రస్తుతం సోషల్ మీడియాలో తెగ చక్కర్లు కొడుతున్నాయి. ఇంతకీ తమన్నా ఎవరిని పెళ్లి చేసుకుందని అనుకుంటున్నారా? ఆయన మరెవరో కాదు.. ఇండియన్ మైకెల్ జాక్సన్ గా పేరు దక్కించుకున్న కొరియోగ్రాఫర్, డైరెక్టర్, యాక్టర్ ప్రభుదేవాతో తమన్నా వివాహం సినీనటీనటుల మధ్య సందడిగా జరిగింది.

ఈ వివాహ వేడుకకు చిత్ర యూనిట్ పాల్గొన్నారు. తమన్నా ప్రభుదేవాను పెళ్లి చేసుకోవడం ఏంటని అనుకుంటున్నారా? తాజాగా తమన్నా హీరోయిన్ గా నటిస్తున్న తమిళ చిత్రం ‘ధర్మధురై’. విజయ్ సేతుపతి హీరోగా నటిస్తున్న ఈ సినిమాలో ప్రభుదేవా కీలక పాత్రలో నటిస్తున్నాడు. సినిమాలో భాగంగా తమన్నా-ప్రభుదేవాల పెళ్లి సీన్ ను చిత్రీకరించారు.

ప్రముఖ దర్శకుడు ఎ.ఎల్.విజయ్ దర్శకత్వంలో రూపొందుతున్న ఈ చిత్ర షూటింగ్ శరవేగంగా జరుగుతోంది. ఈ చిత్రాన్ని తెలుగు, తమిళం, హిందీ భాషలలో గ్రాండ్ విడుదల చేయడానికి సన్నాహాలు చేస్తున్నారు.