మార్కెట్లో రకూల్ కూరగాయలు అమ్మకం

Posted: 02/06/2016 04:10 PM IST

తెలుగులో వరుసగా స్టార్ హీరోల సరసన నటిస్తూ, టాప్5 హీరోయిన్లలో ఒకరిగా దూసుకుపోతున్న రకూల్ ప్రీత్ సింగ్ ప్రస్తుతం తాజా కూరగాయలు అమ్ముకునే వ్యాపారం పెట్టింది. మోడ్రన్ డ్రెస్ వేసుకొని, పైన ఓ రెడ్ కలర్ టవల్ తో మోడ్రన్ కూరగాయల వ్యాపారిగా మార్కెట్లో కూరగాయలు అమ్ముతోంది.

రకూల్ ప్రీత్ సింగ్ ప్రస్తుతం KPHB కాలనీలో కూరగాయలు అమ్ముతోంది. అసలు రకూల్ కు కూరగాయలు అమ్మవలసిన అవసరం ఏముందని అనుకుంటున్నారా? మరి ఈ విషయంపై రకూల్ ఏం చెప్పిందంటే.... ‘కేపీహెచ్‌బీ కాలనీలోని మంజీరా మాల్ కు ఎదురుగా నేను కూరగాయలు ఉదయం 10 గంటల నుంచి అమ్ముతాను, నా దగ్గరకు వచ్చి కూరగాయలు కొనుక్కోండి’ అని తన సోషల్ మీడియా ట్విట్టర్ ద్వారా ప్రకటించింది.

I will b at KPHB market opp Manjeera mall sellin vegetables 4 lakshmis show #memusaitham.lts change lives come buy vegetables from me.10am

— Rakul Preet (@Rakulpreet) February 5, 2016

అసలు రకూల్ ఎందుకు ఇలా కూరగాయలు అమ్ముతోందంటే... మంచు లక్ష్మీ ‘మేము సైతం’ అనే టీవి షోను ప్రారంభిస్తుంది. సమాజ సేవ నేపథ్యంతో రూపొందించిన ఈ కార్యక్రమం కోసం రకుల్ ఇలా కూరగాయలు అమ్ముతోంది. ఇలా రకుల్ అమ్మిన కూరగాయల ద్వారా వచ్చిన డబ్బును ఏదైనా సామాజిక సేవా కార్యక్రమం కోసం వినియోగించనున్నారు. రకూల్ కూరగాయలు అమ్ముతుంటే.. అక్కడి పరిస్థితి ఎలా వుందో ఓసారి మీరు చూడండి.