3పార్ట్: ‘ముద్దపప్పు ఆవకాయ’లో మొదలైన అనుమానాలు

Posted: 02/06/2016 01:26 PM IST

మొన్నటివరకు మెగాబ్రదర్ నాగబాబు కూతురుగా నిహారిక అందరికి సుపరిచితురాలు. కానీ ఈమధ్య ‘DJ’ డాన్స్ షో లో యాంకర్ గా చేస్తుండటంతో తెలుగు ప్రేక్షకులందరికి బాగా చేరువయ్యింది. కానీ ఈమధ్య తనకంటూ ఓ ప్రత్యేకతను చాటుకోవలనే వుద్దేశ్యంతో నిహారిక ముందుకెళుతోంది. ఇటీవలే నిహారిక ‘పింక్ ఎలిఫెంట్ పిక్చర్స్’ బ్యానర్ ను ఏర్పాటు చేసింది.

ఇందులో ‘ముద్దపప్పు ఆవకాయ’ అనే పేరుతో ఓ వెబ్ సీరిస్ ను ప్రారంభించింది. ఆశా పాత్రలో నిహారిక, అర్జున్ పాత్రలో ప్రతాప్ నటిస్తున్నారు. క్యూట్, లవ్, ఎంటర్ టైనర్ గా సాగుతున్న ఈ వెబ్ సీరిస్ చాలా బాగుంది. ఇప్పటికే విడుదలైన రెండు ఎపిసోడ్ లకు మంచి రెస్పాన్స్ లభించింది. తాజాగా విడుదలైన 3వ ఎపిసోడ్ అదిరిపోయింది. ఈ ఎపిసోడ్ చాలా ఇంట్రెస్టింగ్ గా వుంది.

ఈ 3వ ఎపిసోడ్ లో ఆశా-అర్జున్ ల సెకండ్ మీటింగ్ ఎపిసోడ్. ఇప్పుడిప్పుడే మొదలైన ఆశా-అర్జున్ ల క్యూట్ లవ్ లో అనుమానాలు మొదలయ్యాయి. తర్వాత ఏం జరుగబోతుందోనని వెయింటింగ్. సీరియల్స్ లో వలే సాగదీసినట్లుగా కాకుండా చాలా పర్ఫెక్ట్ గా, ఎక్కడ బోర్ కొట్టకుండా ఈ సీరిస్ ను డిజైన్ చేయడం చాలా బాగుంది.

మొత్తానికి ‘ముద్దపప్పు ఆవకాయ’తో నిహారిక తనను తాను ప్రూవ్ చేసుకుంటుంది. అలాగే ప్రస్తుతం నిహారిక హీరోయిన్ గా ఎంట్రీ ఇస్తున్న సినిమా షూటింగ్ శరవేగంగా జరుగుతోంది. త్వరలోనే ఈ సినిమా కూడా ప్రేక్షకుల ముందుకు రానుంది.