IIFA కోసం అఖిల్, చెర్రీల డాన్స్ ప్రాక్టీస్

Posted: 01/23/2016 05:59 PM IST

Ram charan dance rehearsals at iifa 2015 utsavam

ఈ ఏడాది ఐఫా(IIFA ది ఇంటర్నేషనల్ ఇండియన్ ఫిల్మ్ అకాడమీ) అవార్డుల వేడుకలు హైదరాబాద్ లోనే జరుగనున్న విషయం తెలిసిందే. ఈ వేడుకలకు సంబంధించిన ఏర్పాట్లు ప్రస్తుతం చకచకా జరుగుతున్నాయి. ఈ వేడుకకు సౌత్ ఇండస్ట్రీకి చెందిన అగ్ర, స్టార్ హీరోలు, హీరోయిన్లు, సాంకేతికనిపుణులు, అతిరథ మహారథులు పాల్గొననున్నారు.

ఈ వేడుకలు ఈనెల 24, 25 తేదిలలో గ్రాండ్ గా జరుగనున్నాయి. ఈ కార్యక్రమంలో తెలుగు హీరోలు రాంచరణ్, అఖిల్ లు కూడా తమ డాన్సులతో ఆకట్టుకోబోతున్నారు. ఇందుకు సంబంధించిన డాన్స్ రిహార్సల్స్ లో వీరు బిజీగా వున్నారు. ఈ రిహార్సల్స్ వీడియోను మీకోసం స్పెషల్ గా అందిస్తున్నాం. మీరు ఓ లుక్కేయండి.

ఈ వీడియోలో రాంచరణ్, అఖిల్, తమన్నా, ఆదాశర్మ, తాప్సీలు డాన్స్ రిహార్సల్స్ చేస్తున్నారు. గతంలో బాలీవుడ్‌లో మాత్రమే ఈ వేడుకలు జరిగాయి. సౌత్‌లో మొదటిసారిగా జరుగుతున్న ఐఫా కార్యక్రమం డిసెంబర్‌లోనే జరగాల్సి ఉన్నా.. చెన్నై వరదల వలన ఈ కార్యక్రమం జనవరికు పోస్ట్ పోన్ చేసారు.

ఈ వేడుకకు అల్లు శిరీష్ హోస్ట్ గా వ్యవహరించనున్నాడు. IIFAలో సౌత్ ఇండస్ట్రీలోని తెలుగు, తమిళం, మలయాళం, కన్నడ భాషలకు నామినేట్ అయిన వారి జాబితాను ఇప్పటికే విడుదల చేసారు. మరి వారిలో విజేతలు ఎవరనే విషయం త్వరలోనే తెలియనుంది.