విడిపోతున్నాం.. మాకు అడ్డుపడకండి!

Posted: 01/22/2016 12:00 PM IST

ప్రముఖ బాలీవుడ్ నటుడు, దర్శకుడు ఫర్హాన్ అక్తర్, తన భార్య అధునా నుంచి విడాకులు తీసుకున్నాడు. గతకొద్ది కాలంగా వీరిద్దరి మధ్య విభేధాలు, మనస్పర్ధాలు రావడంతో విడాకులు తీసుకొని, విడిపోవాలని నిర్ణయించుకున్నారు. ఈ విషయంపై వీరిద్దరూ కలిసి సామరస్య పూర్వకంగా విడిపోతున్నట్లుగా ప్రకటించారు.

‘దిల్ చాహతాహై’ సినిమాతో పర్హార్ నటుడిగా పరిచయం అయ్యాడు. అదే సినిమాకు హెయిర్ స్టైలిస్ట్ గా పని చేసింది అధునా. ఈ సమయంలో వీరి పరిచయం కాస్త ప్రేమగా మారింది. ఫర్హాన్ అక్తర్ తనకంటే దాదాపు ఏడేళ్ల పెద్ద వయసైన అధునా భబానిని ప్రేమించి, పెళ్లి చేసుకున్నాడు. ఆ తర్వాత వీరి సంసారం చాలా సంతోషంగానే సాగింది. కానీ ఈ మధ్య వీరిద్దరి మధ్య మనస్పర్థలు చాలా వస్తుండటంతో విడిపోవాలని నిర్ణయించుకున్నారు.

అయితే తాము విడిపోయినప్పటికీ.. పిల్లల పెంపకం విషయంలో ఇద్దరం బాధ్యతతో వ్యవహరిస్తామని తెలిపారు. మేమిద్దరం ఇష్టపూర్వకంగానే విడిపోవాలని నిర్ణయించుకున్నామని, దయచేసి మా ప్రైవసీకి భంగం కలిగించవద్దంటూ తాజాగా మీడియా ద్వారా ప్రకటించేసారు.