మెగాస్టార్ చిరంజీవి 150వ సినిమాపై వి.వి.వినాయక్ క్లారిటీ

Posted: 01/18/2016 01:36 PM IST

V v vinayak reveals about chiranjeevi 150 shooting details

మెగా స్టార్ చిరంజీవి తెరంగేట్రం ఎప్పుడా అని ఎదురుచూస్తున్న అభిమానులకు శుభవార్త. చిరంజీవి 150వ చిత్రం షూటింగ్ కు అన్ని ఏర్పాట్లు సిద్దమవుతున్నట్లు ఓ క్లారిటీ వచ్చేసింది. ముందు ఎవరు డైరెక్షన్ చేస్తారు అన్న దాని మీద రకరకాల వార్తలు వచ్చినా కానీ వి.వి.వినాయక్ దర్శకత్వంలో చిరంజీవి 150వ సినిమా తెరకెక్కబోతోందని క్లీయరైంది. అయితే ఎప్పటి నుండి సినిమా సెట్స్ మీదకు వెళుతుంది..? అన్న దాని మీద డైరెక్టర్ వి.వి.వినాయక్ క్లారిటీ ఇచ్చారు.

తమిళంలో వచ్చిన కత్తి సినిమా రీమేక్ లో చిరంజీవి నటిస్తున్నారు. కత్తి సినిమాను తెలుగు నేటివిటీకి అనుగుణంగా స్క్రిప్ట్ ను తీర్చిదిద్దే పనిలో ఉన్న వినాయక్ తొలిసారిగా 150 సినిమాపై క్లారిటీ ఇచ్చారు. ఈ సినిమాను మార్చ్ లేదా ఏప్రియల్ లో తొలి షెడ్యూల్ షూటింగ్ జరుపుకొనేలా ప్లాన్ చేస్తున్నట్లు తెలిపారు. రామ్ చరణ్ పుట్టిన రోజు మార్చి 27న లాంఛనం గా ప్రారంభించే అవకాశం ఉంది. ఈ సినిమాను రామ్ చరణ్ తన సొంత బ్యానర్ కొణిదెల ప్రొడక్షన్స్ బ్యానర్లో నిర్మిస్తుండగా.. లైకా ప్రొడక్షన్ సంస్థ నిర్మాణ భాగస్వామిగా చేరిందనే విషయం తెలిసిందే. కాగా చిరు సరసన నయనతార లేదా అనుష్క హీరోయిన్ గా నటించే అవకాశం ఉన్నట్లు తెలుస్తోంది.