సంక్రాంతి నుంచి ముద్దపప్పు ఆవకాయ ప్రారంభం

Posted: 01/14/2016 10:09 AM IST

మెగా బ్రదర్ నాగబాబు కూతురు నిహారిక ఇప్పటికే పలు టీవి షోల ద్వారా తెలుగు ప్రేక్షకులకు బాగా దగ్గరయ్యింది. ఇక త్వరలోనే హీరోయిన్ గా కూడా ఎంట్రీ ఇవ్వనుంది. ప్రస్తుతం ఈ చిత్ర షూటింగ్ శరవేగంగా జరుగుతోంది. త్వరలోనే ప్రేక్షకుల ముందుకు రానుంది. ఇదిలా వుంటే.. నిహారికి ఇటీవలే ‘పింక్ ఎలిఫెంట్ పిక్చర్స్’ పేరుతో ఓ ప్రొడక్షన్ హౌస్ మొదలుపెట్టిన విషయం తెలిసిందే.

ఈ ప్రొడక్షన్లో భాగంగా యూట్యూబ్ సీరీస్ ఎంటర్ టైన్మెంట్ కార్యక్రమాల రూపొందిస్తున్నారు. ‘ముద్దపప్పు ఆవకాయ’ పేరుతో ఓ యూట్యూబ్ సీరిస్ ప్రారంభం కానుంది. ఇందుకు సంబంధించిన ఫస్ట్ లుక్ పోస్టర్, టీజర్ ను రిలీజ్ చేసారు. ఈ టీజర్ కు మంచి రెస్పాన్స్ వచ్చింది. ఈ యూట్యూబ్ సిరీస్ కు సంబంధించిన ఫస్ట్ ఎపిసోడ్ సంక్రాంతి సందర్భంగా జనవరి 15 నుండి ప్రసారం కానుంది.

ఈ ట్రైలర్ చాలా బాగుంది. నిహారికతో పాటు ప్రతాప్, వర్ష, అదితి, హర్ష, మోహన్ ముఖ్య పాత్రలలో నటిస్తున్నారు. ఈ ట్రైలర్ కు మంచి స్పందన వస్తోంది. ఇందులోని క్యారెక్టర్లు ఎంతో ఆసక్తికరంగా ఉంటాయని, ఈ సీరిస్ అందరికీ నచ్చుతుందని నిహారిక తెలిపారు. ‘ముద్దపప్పు ఆవకాయ'లో ఆశా పాత్రలో నిహారిక మెయిల్ రోల్ చేస్తోంది. అర్జున్ అనే పాత్రలో మరొక వ్యక్తి నటిస్తున్నారు. ఇందుకు సంబంధించిన పూర్తి వివరాలు త్వరలో వెల్లడి కానున్నాయి.