ఆదిత్యతో రొమాన్స్ చేస్తున్న కత్తిరినా

Posted: 01/05/2016 10:25 AM IST

బాలీవుడ్ లో అదిత్యరాయ్ కపూర్, కత్రినా కైఫ్ జంటగా కత్తిలాంటి హీరోయిన్ టబు ప్రధాన పాత్రలలో నటిస్తున్న తాజా చిత్రం ‘ఫిటూర్’. UTV మోషన్ పిక్చర్స్ బ్యానర్ పై సిద్ధార్థ రాయ్ కపూర్, అభిషేక్ కపూర్ సంయుక్తంగా నిర్మిస్తున్న ఈ చిత్రానికి అభిషేక్ కపూర్ దర్శకత్వం వహిస్తున్నాడు.

తాజాగా ఈ చిత్ర ట్రైలర్ ను విడుదల చేసారు. ఎమోషనల్ లవ్, సెంటిమెంట్ ఫ్యామిలీ డ్రామాగా రూపొందుతున్న ఈ చిత్రంలో హీరోయిన్ కత్రినా కైఫ్ కు తల్లి పాత్రలో టబు నటించింది. ఇందులో టబు యాక్టింగ్ చాలా బాగుంది. అలాగే అదిత్య, కత్రినాల జోడి బాగుంది. లుక్స్ పరంగా వీరిద్దరూ బాగున్నారు.

ఈ ట్రైలర్ సినిమాపై అంచనాలను భారీగా పెంచేసింది. అమిత్ త్రివేది సంగీతం అందిస్తున్నారు. ఈ చిత్రాన్ని ప్రపంచ వ్యాప్తంగా ఫిబ్రవరి 12న గ్రాండ్ గా విడుదల చేయబోతున్నారు. మరి ఈ సినిమా ఎలాంటి విజయం సాధించనుందో చూడాలి.