తేజస్వీ ‘జతకలిసే’ ట్రైలర్ సూపర్బ్

Posted: 12/14/2015 03:53 PM IST

వరుస సినిమాలతో బిజీ హీరోయిన్ గా మారుతున్న తేజస్వీ... ఈసారి తన కొత్త సినిమా ‘జతకలిసే’ను ప్రేక్షకుల ముందుకు తీసుకురానుంది. ‘రాజు గారి గది’ ఫేం అశ్విన్ హీరోగా తేజస్వీ హీరోయిన్ గా నటిస్తున్న ఈ చిత్రాన్ని వారాహి చలన చిత్రం సమర్పణలో ఓక్ ఎంటర్ టైన్మెంట్స్, యుక్త క్రియేషన్స్ సంయుక్తంగా నిర్మిస్తున్న ఈ చిత్రానికి రాకేష్ శశి దర్శకత్వం వహిస్తున్నారు.

తాజాగా ఈ చిత్ర ట్రైలర్ ను విడుదల చేసారు. ఈ ట్రైలర్ కు మంచి రెస్పాన్స్ వస్తోంది. బ్యూటీఫుల్ లవ్, రొమాంటిక్ ఎంటర్ టైనర్ గా రూపొందుతున్న ఈ చిత్ర ట్రైలర్ చూస్తుంటే సినిమా మంచి సక్సెస్ సాధించడం ఖాయమని తెలుస్తోంది. విజువల్స్ పరంగా మంచి టాక్ ను సొంతం చేసుకుంది. అలాగే సాయి కార్తీక్ అందించిన పాటలు కూడా బాగున్నాయి.

ఇందులోని ‘పడిపోయానే..’ అనే పాటకు మంచి రెస్పాన్స్ వస్తోంది. ఇందులో అశ్విన్-తేజస్వీల పెయిర్ బాగుంది. ఇక ఈ ట్రైలర్ చివర్లో ‘గబ్బర్ సింగ్’గా షకలక శంకర్, ‘శ్రీమంతుడు’గా సప్తగిరి కామెడీ చూస్తుంటే.. సినిమాలో కామెడీ అదిరిపోతుందని అర్థమవుతోంది.

ప్రస్తుతం ఈ సినిమాకు సంబంధించి ప్రమోషన్ కార్యక్రమాల్లో చిత్ర యూనిట్ బిజీగా వున్నారు. ఈ చిత్రాన్ని ఈనెల 25న ప్రేక్షకుల ముందుకు రానుంది. ఈ సినిమా మంచి విజయం సాధించి, తనకు మరిన్ని అవకాశాలను తెచ్చిపెడుతుందనే నమ్మకంతో వుంది తేజస్వీ. మరి ‘జతకలిసే’ చిత్రం ఎలా వుండనుందో త్వరలోనే తెలియనుంది.