7ఏళ్ల తర్వాత మళ్లీ కాంబినేషన్ రిపీట్స్

Posted: 12/03/2015 12:13 PM IST

నాని, అవసరాల శ్రీనివాస్ కలిసి ‘అష్టా చెమ్మా’ సినిమాతో టాలీవుడ్ లోకి హీరోలుగా ఎంట్రీ ఇచ్చిన విషయం తెలిసిందే. అలాగే దర్శకుడిగా ఇంద్రగంటి మోహనకృష్ణకు కూడా ఈ సినిమా మంచి గుర్తింపును తెచ్చిపెట్టింది. ఈ సినిమా తర్వాత నాని, అవసరాల శ్రీనివాస్ లు ప్రస్తుతం వరుస సినిమాలతో బిజీగా వున్నాడు. హీరోగా నాని, దర్శకుడిగా శ్రీనివాస్ లు బిజీ అయ్యారు. అయితే దాదాపు ఏడేళ్ల తర్వాత ఈ ముగ్గురి కాంబినేషన్లో తాజాగా ఓ చిత్రం రూపొందుతోంది.

మోహనకృష్ణ ఇంద్రగంటి దర్శకత్వంలో నాని, అవసరాల శ్రీనివాస్ లు ప్రధాన పాత్రలలో ఓ చిత్రం తెరకెక్కుతోంది. ఈరోజు ఈ చిత్ర షూటింగ్ ప్రారంభమయ్యింది. లవ్, థ్రిల్లింగ్, కామెడీ ఎంటర్ టైనర్ గా రూపొందుతోంది. కృష్ణప్రసాద్ ఈ చిత్రాన్ని నిర్మిస్తున్నారు. త్వరలోనే ఈ చిత్రానికి సంబంధించిన నటీనటులు, సాంకేతికనిపుణుల వివరాలను ప్రకటించనున్నారు.

ఇక నాని హీరోగా హను రాఘవపూడి దర్శకత్వంలో తెరకెక్కుతున్న సినిమా షూటింగ్ పూర్తయ్యింది. త్వరలోనే ఈ సినిమా ప్రేక్షకుల ముందుకు రానుంది. అలాగే అవసరాల శ్రీనివాస్ దర్శకత్వంలో తెరకెక్కుతున్న ‘జ్యో అచ్యుతానంద’ చిత్రం కూడా త్వరలోనే ప్రేక్షకుల ముందుకు రానుంది.