సంక్రాంతికి వరలక్ష్మీ ‘తారై తప్పట్టై’ విడుదల

Posted: 11/28/2015 03:09 PM IST

తమిళంలో తనకంటూ ఓ ప్రత్యేక ఇమేజ్ ను సొంతం చేసుకొని, విభిన్న చిత్రాల దర్శకుడిగా పేరు తెచ్చుకున్న బాలా దర్శకత్వంలో తెరకెక్కుతున్న తాజా చిత్రం ‘తారై తప్పట్టై’. ఇందులో సశికుమార్, వరలక్ష్మీ ప్రధాన పాత్రలలో నటిస్తున్నారు. తాజాగా ఈ చిత్ర టైటిల్ పోస్టర్లను విడుదల చేసారు.

ఇందులో శశికుమార్ గెటప్ చాలా కొత్తగా వుంది. అంతేకాకుండా ఈ పోస్టర్లో శశికుమార్ లుక్స్ పరంగా చాలా రౌద్రంగా కనిపిస్తున్నాడు. ఇక వరలక్ష్మీ కూడా ఓ విభిన్న పాత్రలో నటిస్తున్నట్లుగా కనిపిస్తోంది. ఇప్పటివరకు గ్లామర్ పాత్రలలో, హాట్ హాట్ అందాలు ఆరబోసిన ఈ అమ్మడు తొలిసారిగా పూర్తిస్థాయి నటనకు ప్రాధాన్యం వున్న పాత్రలో నటిస్తున్నట్లుగా కనిపిస్తుంది.

ప్రస్తుతం ఈ చిత్ర షూటింగ్ శరవేగంగా జరుగుతోంది. అసలే బాలా సినిమాలకు అవార్డులు రావడం ఖాయం అనేది ఇప్పటికే చాలాసార్లు నిరూపణ అయ్యింది. మరి ఈ సినిమాలో వరలక్ష్మీ పాత్రకు ఖచ్చితంగా అవార్డులు వస్తాయని చిత్ర యూనిట్ ఆశాభావం వ్యక్తం చేస్తున్నారు. ఈ సినిమాను వచ్చే ఏడాది సంక్రాంతి కానుకగా విడుదల చేయనున్నారు.